Віктар Юр’евіч Саяпін

Віктар Юр’евіч Саяпін нар. (17 студзеня 1950, сяло Эркеч-Там у Кыргызстане — 2 лютага 2017 Гродна) — беларускі краязнаўца. Аўтар кніг па гісторыі Гродна.

Віктар Юр’евіч Саяпін
Дата нараджэння	17 студзеня 1950(1950-01-17)
Месца нараджэння	Erkeshtam[d], Алайскі раён[d], Ошская вобласць, Кіргізская Савецкая Сацыялістычная Рэспубліка, СССР
Дата смерці	2 лютага 2017(2017-02-02) (67 гадоў)
Месца смерці	Гродна, Гродзенская вобласць, Беларусь
Навуковая сфера	краязнаўства
Узнагароды	Прэмія Юзафа Ядкоўскага

У Вікіпедыі ёсць артыкулы пра іншых людзей з прозвішчам Саяпін.

Біяграфія

Нарадзіўся ў горнай мясцовасці Кіргізскай ССР, дзе яго бацька служыў начальнікам мытні на савецка-кітайскай мяжы^[1]. Па словах краязнаўцы ён з’яўляецца гарадзенцам у чацвёртым пакаленні ^[1].

У 1961 годзе сям’я Саяпіных вярнулася ў Гродна. У 1967 годзе Віктар скончыў сярэднюю школу № 2 горада Гродна. У 1975 годзе паступіў на аддзяленне матэматыкі ў інстытут Янкі Купалы ^[1]. Там жа працаваў тэхнікам электрарадыёлабараторыі. З чэрвеня 1976 года працаваў на заводзе «Радыёпрыбор», дзе стаў начальнікам цэха. З 1984 года працаваў на гродзенскай мытні, дзе даслужыўся да адной з кіраўнічых пасад^[1].

Памёр у 2017 годзе пасля цяжкай хваробы. У гонар краязнаўцы была названа адна з новых вуліц Гродна^[2].

Дзейнасць краязнаўцы

У 2010-х гадах актыўна пісаў кнігі па гісторыі Гродна і выступаў з краязнаўчымі публікацыямі ў СМІ.

У якасці суаўтара супрацоўнічаў з вядомымі гродзенскімі гісторыкамі і краязнаўцамі, сярод якiх Вячаслаў Віталевіч Швед, Андрэй Фрыдрыхавіч Вашкевіч, Андрэй Мікалаевіч Чарнякевіч, Алесь Пятровіч Госцеў і інш.

Пры падрыхтоўцы «не маючага аналагаў у Беларусі» ^[3] праекту «Godonim Hrodna», выкарыстоўваліся аўтарскія публікацыі Саяпіна ^[4].

Лаўрэат прэміі гродзенскага аблвыканкама 2011 года. У 2013 годзе атрымаў прэмію Ядкоўскага.

Выбранныя творы

• «От Фортов до Коложи» (2012)
• Забытые фабрики и заводы Гродно. — Гродно, 2014.
• 50 гродненских улиц: прогулки во времени. — Гродно: ЮрСаПринт, 2015

Зноскі

1. https://persony.grodno.by/glory/?page=people&item=79
2. https://vgr.by/2018/02/01/vsem-nam-poschastlivilos-znat-i-rabotat-s-nim-v-novom-zamke-proshjol-vecher-pamyati-viktora-sayapina-a-v-gorode-imenem-kraeveda-nazovut-ulitsu/
3. «Заблудиться» невозможно. Городская библиотека имени Макаёнка запустила интерактивную карту-портрет Гродно. Гродзенская праўда.
4. Godonim Hrodna. Карта-энциклопедия (нявызн.)(недаступная спасылка). Архівавана з першакрыніцы 23 верасня 2024. Праверана 8 кастрычніка 2024.