Віленскае рэальнае вучылішча

У паняцця ёсць і іншыя значэнні, гл. Віленская гімназія.

Віленскае рэальнае вучылішча — колішняя расійская навучальная ўстанова ў 1873—1914^{[крыніца?]} гадах у Вільні.

Віленскае рэальнае вучылішча
Заснавана	1873
Тып	рэальнае вучылішча
Краіна	Расійская імперыя

У 1839 годзе створана Віленскае шляхецкае вучылішча, у 1860 годзе ператворанае ў Віленскую рэальную прагімназію, якая 1 жніўня 1868 года ператворана ў 2-ю Віленскую рэальную гімназію. Дырэктарам Віленскай рэальнай гімназіі і начальнікам дырэкцыі вучылішч прызначаны загадчык 5 і 6 класамі Віленскай прагімназіі, былы дырэктар Свянцянскай гімназіі Васіль Лапін^[ru], а інспектарам гімназіі — былы інспектар прагімназіі Лялін.^[1]

Указам імператара Аляксандра II ад 15 мая 1872 года ўсе рэальныя гімназіі ператвараліся ў рэальныя вучылішчы, такім чынам і 2-я Віленская рэальная гімназія неўзабаве ператворана ў Віленскае рэальнае вучылішча.^[1]

Выкладчыцкі калектыў з ператварэннем рэальнай гімназіі ў рэальнае вучылішча практычна не змяніўся. Законавучыцелямі былі а. Катовіч і кс. Бароўскі, выкладчыкамі рускай мовы Маркаш і Шалковіч^[ru], матэматыкі Успенскі, Карпінскі, Вінаградаў, фізікі, хіміі і натуральнай гісторыі Полазаў, французскай мовы Пітон, французскай і нямецкай мовы Рэйншысэль, нямецкай мовы Рэйнфельд, рысавання і чарчэння Трутнеў і Чамаданаў, харавых спеваў Браілоўскі, гімнастыкі Мар, памочнікі класных настаўнікаў Сабалеўскі, Крачынскі, пісьмавод Турчын.^[1]