Віталь Іванавіч Талапін

Віталь Іванавіч Тала́пін^[3] (руск.: Виталий Иванович Талапин; нар. 15 лютага 1935^[3]) — беларускі вучоны ў галіне фармакалогіі. Доктар медыцынскіх навук (1971), прафесар (1984^[4]). Акадэмік Міжнароднай акадэміі экалогіі, акадэмік Беларускай інжынернай акадэміі. Заслужаны вынаходнік Рэспублікі Беларусь (1999)^[5][6].

Віталь Іванавіч Талапін
Дата нараджэння	15 лютага 1935(1935-02-15)[1] (90 гадоў)
Месца нараджэння	Ржэў, Калінінская вобласць, РСФСР, СССР[1]
Грамадзянства	СССР  Беларусь
Род дзейнасці	навуковец, урач, выкладчык універсітэта, вынаходнік
Навуковая сфера	фармакалогія
Месца працы	Мінскі медыцынскі інстытут Рэспубліканскі навукова-практычны цэнтр гігіены[d]
Навуковая ступень	доктар медыцынскіх навук[2] (1971)
Навуковае званне	прафесар[2] акадэмік Беларускай інжынернай акадэміі
Альма-матар	Мінскі медыцынскі інстытут
Вядомыя вучні	Генадзь Георгіевіч Кандраценка
Прэміі	Прэмія Савета Міністраў Рэспублікі Беларусь[d]
Узнагароды

Біяграфія

Нарадзіўся ў горадзе Ржэў (Цвярская вобласць Расіі). У 1959 годзе скончыў Мінскі медыцынскі інстытут, застаўся ў аспірантуры пры ім^[4] і працаваў да 1972^[3] года. У 1965 годзе абараніў кандыдацкую дысертацыю, у 1971 годзе — доктарскую^[4]. З 1972 года В. І. Талапін у Беларускім навукова-даследчым інстытуце санітарыі і гігіены, з 1984 года прафесар, у 1988—1995^[4] гадах — дырэктар інстытута.

Навуковая дзейнасць

Навуковыя працы па комплексным вывучэнні фармакалогіі, энтэрахрамафіннай клеткавай сістэме^[6]. Апублікавана больш за 350 навуковых прац, у тым ліку 5 манаграфій^[4]. Аўтар больш за 100 вынаходстваў, у тым ліку 7 патэнтаў развітых краін^[4]. Пад кіраўніцтвам В. І. Талапіна падрыхтаваны 20 кандыдатаў навук, 2 дактары навук^[4].

Сярод апублікаваных прац:

• Фармако-терапевтический справочник дерматолога / Н. З. Яговдик, А. С. Новицкий, В. И. Талапин. — Минск : Беларусь, 1978. — 175 с.;
• Актуальные вопросы медицинского обеспечения агропромышленных комплексов, Влияние природных и социально-экономических зон республики на здоровье населения : Сб. науч. тр. / Белорус. н.-и. сан.-гигиен. ин-т, Белорус. науч. о-во гигиенистов и сан. врачей; [Редкол.: Талапин В. И. (гл. ред.) и др.]. — Минск : Б. и., 1987. — 117 с.; 20 см;
• Фармакотерапия инфекционных болезней : Справ. пособие / В. М. Баран, В. И. Талапин. — Мн.: Вышэйшая школа, 1995. — 243 с. — ISBN 985-06-0057-8.

Узнагароды і званні

• Заслужаны вынаходнік Рэспублікі Беларусь (1999)
• Прэмія Савета Міністраў Рэспублікі Беларусь^[4]