Віталь Віктаравіч Ціліжэнка

Віталь Віктаравіч Ціліжэнка (укр.: Віта́лій Ві́кторович Тіліже́нко; 25 снежня 1978, Запарожжа, Украінская ССР — 10 жніўня 2015, в. Старагнатаўка, Валнаваскі раён, Данецкая вобласць, Украіна) — украінскі ваенны, удзельнік вайны на ўсходзе Украіны (Добраахвотніцкі Украінскі Корпус), псеўданім «Кекс»^[1].

Віталь Віктаравіч Ціліжэнка
Тіліженко Віталій Вікторович
Псеўданім	«Кекс»
Дата нараджэння	25 снежня 1978(1978-12-25)
Месца нараджэння	Запарожжа, Запарожскі гарадскі савет[d], Запарожская вобласць, УССР, СССР
Дата смерці	10 жніўня 2015(2015-08-10) (36 гадоў)
Месца смерці	Старагнаціўка[d], Валнавахскі раён[d], Данецкая вобласць, Украіна
Грамадзянства	Украіна
Прыналежнасць	Украіна
Род войскаў	Добраахвотніцкі Украінскі Корпус
Званне	Радавы
Часць	5-ы асобны батальён ДУК Тактычная група «Беларусь»
Камандаваў	Тактычная група «Беларусь»
Бітвы/войны	Вайна на ўсходзе Украіны
Узнагароды і званні

Жыццяпіс

Скончыў Запарожскі інстытут эканомікі і інфармацыйных тэхналогій. У 2004-2005 гадах выкладаў у акадэміі бізнесу і права ім. Кручынінай. З 2005 года быў бізнэс-трэнерам і ІТ-кансультантам у кампаніях Інформменеджер, BPO Group, Professional Trainings. Удзельнічаў у больш чым 50 кансультацыйных і адукацыйных праектах у розных камерцыйных арганізацыях. Вёў блог на Цензор.НЕТ.

Да вайны цікавіўся веласпортам.^[2]

Актыўны ўдзельнік Рэвалюцыі Годнасці. Грамадскі актывіст, валанцёр, распрацоўшчык вайсковага рыштунку.

Калі пачалася вайна, заснаваў Міжнародны дабрачынны фонд валанцёрскай дапамогі ўкраінскай арміі «Валошка», а затым і сам пайшоў добраахвотнікам на фронт.^[3] Заснавальнік і ваяр тактычнай групы «Беларусь» 5-га асобнага батальёна Добраахвотніцкага Украінскага Корпусу «Правы Сектар».^[4]

Загінуў у баі з прарасейскімі тэрарыстамі пры абароне пазіцый 72-й брыгады.

Пахаваны ў Запарожжы.

Пасля смерці засталася сястра.

Узнагароды і ўшанаванне памяці

• імя высечана на Помніку беларусам, якія загінулі за Украіну^[5].
• узнагароджаны знакам «Народны Герой Украіны» (пасмяротна).^[6]
• узнагароджаны ордэнам Пагоні Рады Беларускай Народнай Рэспублікі (пасмяротна).^[7]

Гл. таксама

• Эдуард Анатолевіч Лобаў
• Міхаіл Міхайлавіч Жызнеўскі
• Алесь Мікалаевіч Чаркашын
• Васіль Парфянкоў
• Дзень украінскага добраахвотніка
• Спіс беларусаў, якія загінулі за Украіну

Зноскі

1. Тіліженко Віталій Вікторович («Кекс») (укр.)
2. ВелоKиїв (укр.). www.facebook.com. Праверана 9 студзеня 2018.
3. У Черкасах презентували виставку «Білорусь з Україною в серці» (фото) (укр.)
4. Завтра в Києві відбудеться презентація документального фільму, присвяченого річниці загибелі на Донбасі воїна ДУК «Правий Сектор» Віталія Тіліженка (укр.)
5. У Києві відкрили меморіальну дошку загиблим у боротьбі за Україну громадянам Білорусі (фотогалерея) (укр.)
6. Запоріжжя вперше приймає «Народних Героїв України» (укр.)
7. Рада БНР абвяшчае пра абнаўленьне Статуту Ордэна Пагоні і заснаваньне Мэдаля Ордэну Пагоні