Вячаслаў Антонавіч Адамовіч

У Вікіпедыі ёсць артыкулы пра іншых асоб з падобнымі імёнамі, гл. Адамовіч і Вячаслаў Адамовіч.

Вячасла́ў (Ва́цлаў) Анто́навіч Адамовіч (19 лютага 1864 — 21 лютага 1939) — беларускі палітычны і вайсковы дзеяч, выдавец, публіцыст. Бацька Вячаслава Вячаслававіча Адамовіча.

Вячаслаў Адамовіч
Род дзейнасці	палітычны і вайсковы дзеяч
Дата нараджэння	19 лютага 1864(1864-02-19)
Месца нараджэння	Віленская губерня, Расійская імперыя
Дата смерці	21 лютага 1939(1939-02-21) (75 гадоў)
Грамадзянства	Расійская імперыя
Дзеці	Вячаслаў Вячаслававіч Адамовіч
Партыя	Беларуская сацыялістычная грамада

Біяграфія

У 1907—1914 гадах выдаваў у горадзе Коўна газету «Северо-западный телеграф». З 1917 года ўдзельнічаў у беларускім вайсковым руху. У 1919—1920 гадах быў сябрам Беларускай Вайсковай Камісіі, браў удзел у стварэнні таемнай вайсковай арганізацыі «Зялёны Дуб», якую ўзначаліў яго сын Вячаслаў (атаман Дзяргач). Браў удзел у антыбальшавіцкай акцыі пачатку 1920-х гадоў. Пазней адышоў ад палітычнай дзейнасці, жыў у Вільні.

Біяграфія асобы недастаткова вывучаная, часта яму прыпісваецца дзейнасць сына^[1].

Зноскі

1. Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — 494 с. — 20 000 экз. — ISBN 5-85700-074-2. С. 44