Галінзога

Галінзо́га^[1][2] (Galinsoga) — род кветкавых раслін сямейства Астравыя, уключае ў сябе 20 відаў раслін^[3], якія растуць у Паўднёвай і Цэнтральнай Амерыцы.

Галінзога
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Астравыя Трыба:  Millerieae Род:  Галінзога
Міжнародная навуковая назва
Galinsoga Ruiz et Pav., 1794
Віды
Гл. тэкст
Сістэматыка на Віківідах Выявы на Вікісховішчы ITIS   37413 NCBI   176601 EOL   59358 IPNI   8998-1

Упершыню былі завезеныя ў Еўропу з Перу ў 1796 годзе, пасля чаго пачалі актыўна распаўсюджвацца, дзякуючы сваёй высокай пладавітасці^[4]. Два віды — галінзога дробнакветкавая (Galinsoga parviflora) і галінзога шчаціністая (Galinsoga quadriradiata) — шырока распаўсюджанае пустазелле ў Еўразіі^[4].

Назва

Навуковая назва роду дадзена ў гонар захавальніка батанічнага саду ў Мадрыдзе  (руск.) Ігнасіа Галінзогі  (англ.)^[5].

Батанічнае апісанне

Аднагадовыя, амаль голыя або густа апушаныя травяністыя расліны. Сцябло прамастойнае, галінастае, вышынёй да 1 м. Лісце простае, супраціўнае, на чаранках. Кветкі ў звычайна шматлікіх кошыках, у верхавінкавых або пазушных паўпарасоніках. Краявыя кветкі кошыкаў белыя, сярэдзінныя — трубчастыя і жоўтага колеру. Плод — сухая сямянка з чубком.

Віды

Паводле базы дадзеных The Plant List, род уключае 15 відаў^[6]:

• Galinsoga amboensis D.L.Schulz
• Galinsoga boliviensis Canne
• Galinsoga caligensis Canne
• Galinsoga calva Rusby
• Galinsoga crozierae Panero
• Galinsoga durangensis (Longpre) Canne
• Galinsoga formosa Canne
• Galinsoga longipes Canne
• Galinsoga macrocephala H.Rob.
• Galinsoga mollis McVaugh
• Galinsoga parviflora Cav. — Галінзога дробнакветкавая
• Galinsoga quadriradiata Ruiz & Pav. — Галінзога шчаціністая, ці Галінзога раснічастая = Galinsoga ciliata
• Galinsoga spellenbergii B.L.Turner
• Galinsoga subdiscoidea Cronquist
• Galinsoga triradiata Canne

Гаспадарчае значэнне

Пустазельныя расліны^[1]. Некаторыя віды — лекавыя^[1].

Зноскі

1. Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4.
2. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 56. — 160 с. — 2 350 экз.
3. The Plant List
4. cvetopedia.ru — Галинзога
5. nature-archive.ru — Галинзога(недаступная спасылка)
6. Galinsoga (англ.). The Plant List. Version 1.1. (22 кастрычніка 2013). Праверана 9 жніўня 2016.