Гандлёвыя рады (Мсціслаў)

Гандлёвыя рады — будынкі ў цэнтры г. Мсціслава Магілёўскай вобласці. Размешчаны па адрасах вуліца Калініна, 27 і вуліца Пірагоўская, 5. Пабудаваны ў пачатку XX стагоддзя з цэглы.

Славутасць
Гандлёвыя рады
54°01′10″ пн. ш. 31°43′36″ у. д.HGЯO
Краіна	Беларусь
Горад	Мсціслаў
Архітэктурны стыль	эклектыка
Дата пабудовы	пачатак XX стагоддзя
Статус	Гісторыка-культурная каштоўнасць Беларусі, шыфр 513Г000503шыфр 513Г000503
Медыяфайлы на Вікісховішчы

Архітэктура

Ансамбль гандлёвых радоў — помнік эклектычнай архітэктуры. У ix выкарыстаны элементы стыляў мадэрн i неакласіцызму.

Гандлёвыя рады ўяўляюць сабой аднапавярховыя прамавугольныя ў плане будынкі злучаныя паміж сабой. Галоўныя фасады выходзяць на вуліцы Пірагоўскую, Красную i Камсамольскую. У архітэктурным дэкоры выкарыстаны паясы з сухарыкамі, атыкі, аркатурныя паяскі. Вонкавыя сцены члянёны плоскімі лапаткамі, прарэзаны прамавугольнымі вокнамі без ліштваў.

Літаратура

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл. — С. 303

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 513Г000503

• На Вікісховішчы ёсць медыяфайлы па тэме Гандлёвыя рады (Мсціслаў)