Ганна Бродэлэ

Ганна Бродэлэ (лат.: Anna Brodele; 16 верасня 1910(1910-09-16), Таўрогі, Ковенская губерня — 29 верасня 1981(1981-09-29)) — латышская пісьменніца, паэтэса і драматург. Заслужаны дзеяч мастацтваў Латвійскай ССР.

Ганна Бродэлэ
Род дзейнасці	пісьменніца, паэтэса
Дата нараджэння	16 верасня 1910(1910-09-16)
Месца нараджэння	Таўрогі, Расейнскі павет, Ковенская губерня, Расійская імперыя
Дата смерці	29 верасня 1981(1981-09-29) (71 год)
Грамадзянства	Латвія  СССР
Муж	Jānis Brodelis[d]
Альма-матар	Літаратурны інстытут імя А. М. Горкага
Узнагароды і прэміі

Біяграфія

Нарадзілася 16 верасня (3 верасня) 1910 года ў Таўрогах Ковенскай губерні ў сям’і лесніка.

Удзельніца падпольнай камуністычнай дзейнасці ў міжваеннай Латвіі, падвяргалася рэпрэсіям і пераследам у Латвіі, 4 гады правяла ў турме (1932—1936).

Пасля ўсталявання савецкай акупацыі Латвіі працавала ў рэдакцыях газеты «Padomju Latvija» («Савецкая Латвія») і часопіса «Sarkanā Palīdzība» («Чырвоная дапамога»). Вучылася ў Літаратурным інстытуце імя М. Горкага ў Маскве.

У час Другой сусветнай вайны знаходзілася ў эвакуацыі ў Яраслаўскай вобласці, працавала ў калгасе,

Як драматург выступіла ў гады Другой сусветнай вайны. П’есы Бродэлэ прысвечаны, галоўным чынам, тэмам вёсковага жыцця: «Вясна ў вёсцы Рачное» (1948) пра калектывізацыю латышскай вёскі, «Залатая ніва» (1949) пра жыццё калгаснікаў Латвіі. Бродэлэ — аўтар п’ес: «Настаўнік Страўмэ» (1948) пра пералом у свядомасці старой інтэлігенцыі, «Сакавік» («За гадзіну да світання», 1950) пра барацьбу латышскага народа супраць буржуазнага рэжыму ў Латвіі і інш. Праблемам моладзі прысвечаны аповесці «Сіні верабей» (1965), «Гэты мой час» (1969). П’есы былі пастаўлены ў Мастацкім тэатры імя Я. Райніса (Рыга) і іншых тэатрах.

Паводле яе сцэнарыя ў 1959 годзе на Рыжскай кінастудыі быў зняты мастацкі фільм «Ілзэ».

Памерла 29 верасня 1981 года. Пахавана ў Рызе на могілках Райніса.