Гарадзецкі сельсавет (Кобрынскі раён)

У паняцця ёсць і іншыя значэнні, гл. Гарадзецкі сельсавет.

Гарадзе́цкі сельсавет — адміністрацыйна-тэрытарыяльная адзінка ў складзе Кобрынскага раёна Брэсцкай вобласці Беларусі. Адміністрацыйны цэнтр — аграгарадок Гарадзец.

Гарадзецкі сельсавет
Краіна	Беларусь
Уваходзіць у	Кобрынскі раён
Уключае	30 населеных пунктаў
Адміністрацыйны цэнтр	Гарадзец
Дата ўтварэння	12 кастрычніка 1940
Насельніцтва (2019)	3 095
Часавы пояс	UTC+03:00
Код аўтам. нумароў	1

Утвораны 12 кастрычніка 1940 года ў складзе Антопальскага раёна Брэсцкай вобласці БССР. 16 ліпеня 1954 года да сельсавета далучана тэрыторыя скасаванага Каменскага сельсавета^[1]. 31 сакавіка 1959 года да сельсавета далучана тэрыторыя скасаванага Акцябрскага сельсавета^[2]. З 8 жніўня 1959 года ў складзе Кобрынскага раёна. 21 студзеня 1961 года да сельсавета далучана тэрыторыя скасаванага Грушаўскага сельсавета, вёскі Вялікі Рудзец і Малы Рудзец перададзены ў склад Аніскавіцкага сельсавета, вёска Кустовічы — у склад Астроміцкага сельсавета, вёска Нятрэба — у склад Залескага сельсавета^[3]. У 1962 годзе ў склад сельсавета перададзены вёскі Кустовічы і Пясочнае з Астроміцкага сельсавета і вёска Нятрэба з Залескага сельсавета^[4]. У 1964 годзе ў склад сельсавета з Аніскавіцкага сельсавета вернуты вёскі Вялікі Рудзец і Малы Рудзец^[5]. У 1970 годзе скасавана вёска Варатынічы (злілася з вёскай Акцябр)^[6]. На 1 студзеня 1974 года ў складзе сельсавета 21 населены пункт^[7]. 11 мая 2012 года да сельсавета далучана тэрыторыя скасаванага Аніскавіцкага сельсавета (12 населеных пунктаў: вёскі Аніскавічы, Выгада, Вялічкавічы, Добрае, Дубіны, Жукі, Забалацце, Залескі, Мелянкова, Соўплі, Старадубцы, Чалішчавічы)^[8]. 29 мая 2018 года скасавана вёска Добрае^[9].

Насельніцтва сельсавета паводле перапісу 2009 года (18 населеных пунктаў) — 3330 чалавек^[10], з іх 89,8 % — беларусы, 4,6 % — украінцы, 3,5 % — рускія, 1,0 % — цыганы^[11]; паводле перапісу 2019 года (30 населеных пунктаў) — 3095 чалавек^[12].