Гары Медэль

Гары Алексіс Медэль Сота (ісп.: Gary Alexis Medel Soto; нар. 3 жніўня 1987, Сант’яга, Чылі) — чылійскі футбаліст, апорны паўабаронца бразільскага клуба «Васка да Гама» з Рыа-дэ-Жанэйра і нацыянальнай зборнай Чылі.

Гары Медэль
Агульная інфармацыя
Поўнае імя	Гары Алексіс Медэль Сота
Мянушкі	Pit Bull, Gattuso chileno
Нарадзіўся	3 жніўня 1987(1987-08-03)[1][2][…] (38 гадоў) Сант'яга, сталічны рэгіён Сант’яга[d], Чылі
Грамадзянства	Чылі
Рост	171 см
Вага	76 кг
Пазіцыя	паўабаронца
Інфармацыя пра клуб
Клуб	Васка да Гама
Нумар	17
Маладзёжныя клубы
1997—2005 Універсідад Католіка
Клубная кар’ера[* 1]
2005—2009 Універсідад Католіка 80 (12) 2009—2011 Бока Хуніярс 48 (7) 2011—2013 Севілья 78 (8) 2013—2014 Кардыф Сіці 34 (0) 2014—2017 Інтэрнацыянале 91 (1) 2017—2019 Бешыкташ 51 (1) 2019—2023 Балоння 96 (0) 2023— Васка да Гама
Нацыянальная зборная[* 2]
2007 Чылі (да 21) 15 (0) 2008 Чылі (да 23) 8 (0) 2007— Чылі 156 (7)
Узнагароды і медалі
Кубкі канфедэрацый Срэбра Расія 2017 Кубак Амерыкі Золата Чылі 2015 Золата ЗША 2016
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 19 ліпеня 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 19 ліпеня 2023
Медыяфайлы на Вікісховішчы

Клубная кар’ера

Кар’еру пачаў у родным клубе «Універсідад Католіка» ў 2006 годзе. У 2007 годзе забіў свой першы гол у чэмпіянаце Чылі. У 2008 годзе быў прызнаны найлепшым футбалістам краіны, пасля чаго стала стаў запрашацца ў склад нацыянальнай зборнай Чылі.

20 ліпеня 2009 года перайшоў у склад аргенцінскага клуба «Бока Хуніярс». 21 студзеня 2011 года быў далучаны да складу «Севільі». 11 жніўня 2013 года «Кардыф Сіці» афіцыйна пацвердзіў заключэнне кантракта з чылійцам, у выніку за рэкордную для клуба суму ў 11 млн фунтаў стэрлінгаў ігрок перайшоў у склад уэльскай каманды^[3]. Дэбютаваў за клуб 17 жніўня, у матчы супраць «Вест Хэм Юнайтэд», які скончыўся паразай «Кардыфа» з лікам 0:2.

Пасля вылету «Кардыф Сіці» з Прэм’ер-лігі 9 жніўня 2014 перайшоў у італьянскі «Інтэрнацыянале». Дэбютаваў у Серыі A 31 жніўня 2014 года, згуляўшы ўсе 90 хвілін матча з «Тарына».

У жніўні 2017 года стаў іграком турэцкага клуба «Бешыкташ». Сума трансферу склала 3 млн еўра^[4].

У жніўні 2019 года перайшоў у «Балонню»^[5]. У ліпені 2023 года вярнуўся ў Паўднёвую Амерыку, папоўніўшы склад бразільскага клуба «Васка да Гама».

Міжнародная кар’ера

Дэбютаваў у складзе зборнай Чылі ў сакавіку 2007 года ў таварыскім матчы супраць зборнай Аргенціны. У 2015 годзе ў складзе зборнай Чылі стаў пераможцам Кубка Амерыкі.