Гарэлецкі сельсавет

Гарэ́лецкі сельсавет — былая адміністрацыйна-тэрытарыяльная адзінка ў складзе Пухавіцкага раёна Мінскай вобласці Беларусі. Цэнтр — вёска Гарэлец.

Гарэлецкі сельсавет
Краіна	Беларусь
Уваходзіць у	Пухавіцкі раён
Уключае	7 населеных пунктаў
Адміністрацыйны цэнтр	Гарэлец
Дата ўтварэння	20 жніўня 1924
Дата скасавання	29 чэрвеня 2006
Насельніцтва	754 чал. (1999)
Часавы пояс	UTC+03:00
Код аўтам. нумароў	5

Гісторыя

Утвораны 20 жніўня 1924 года ў складзе Шацкага раёна Менскай акругі Беларускай ССР. Цэнтр — вёска Гарэлец. З 4 жніўня 1927 года ў складзе Пухавіцкага раёна Менскай акругі. Пасля скасавання акруговай сістэмы 26 ліпеня 1930 года ў Пухавіцкім раёне БССР. З 12 лютага па 12 сакавіка 1935 года ў складзе Рудзенскага раёна. Пасля ўвядзення абласнога падзелу 20 лютага 1938 года ў Рудзенскім раёне Менскай вобласці. У 1939 годзе цэнтр сельсавета перанесены ў пасёлак імя Янкі Купалы. Пад час Другой сусветнай вайны з чэрвеня 1941 года да ліпеня 1944 года тэрыторыя сельсавета акупіравана нямецкімі войскамі. 16 ліпеня 1954 года цэнтр сельсавета перанесены ў вёску Гарэлец^[1]. 29 чэрвеня 2006 года скасаваны, тэрыторыя далучана да Навасёлкаўскага сельсавета^[2].

Станам на 1 студзеня 1947 года сельсавет уключаў 9 населеных пунктаў. На момант скасавання ў склад сельсавета ўваходзілі 7 населеных пунктаў: Гарэлец, Ліпнікі, Ліпск, Пцічанская, Пясчанка, Ржышча і Янка Купала.

Зноскі

1. Указ Президиума Верховного Совета БССР от 16 июля 1954 г. Об объединении сельских советов Минской области // Сборник законов Белорусской ССР и указов Президиума Верховного Совета Белорусской ССР: 1938-1955 гг. — Мн.: Изд. Президиума Верхов. Совета БССР, 1956. — 347 с.
2. Решение Минского областного Совета депутатов от 29 июня 2006 г. № 222 Об упразднении Горелецкого, Краснооктябрьского, Селецкого, Сергеевичского сельсоветов и изменении границ Новоселковского, Пуховичского, Ветеревичского сельсоветов и Правдинского поссовета Пуховичского района Архівавана 22 кастрычніка 2020.