Гаўрыльчыцкі сельсавет

Гаўры́льчыцкі сельсавет — былая адміністрацыйна-тэрытарыяльная адзінка ў складзе Салігорскага раёна Мінскай вобласці Беларусі. Адміністрацыйны цэнтр сельсавета — вёска Гаўрыльчыцы.

Гаўрыльчыцкі сельсавет
Краіна	Беларусь
Уваходзіць у	Салігорскі раён
Уключае	5 населеных пунктаў
Адміністрацыйны цэнтр	Гаўрыльчыцы
Дата ўтварэння	12 кастрычніка 1940
Дата скасавання	28 мая 2013
Насельніцтва (2009)	1 350
Часавы пояс	UTC+03:00
Код аўтам. нумароў	5

Утвораны 12 кастрычніка 1940 года ў складзе Лунінецкага раёна Пінскай вобласці, з 8 студзеня 1954 г. — Брэсцкай вобласці. На 1 студзеня 1974 года ў складзе сельсавета 4 населеныя пункты^[1]. 14 жніўня 1979 года перададзены ў склад Салігорскага раёна Мінскай вобласці. У 1982 годзе ў склад сельсавета з Хорастаўскага сельсавета перададзена вёска Вейна^[2]. Скасаваны 28 мая 2013 года, тэрыторыя далучана да Капацэвіцкага сельсавета^[3].

Паводле перапісу 2009 года насельніцтва сельсавета складала 1350 чалавек^[4], з іх 99,0 % — беларусы^[5].

На момант скасавання ў сельсавет уваходзілі 5 населеных пунктаў: вёскі Вейна, Гаўрыльчыцы, Дубіца, Пясчанка і Цясна.