Хорастаўскі сельсавет

Хо́растаўскі сельсавет — адміністрацыйна-тэрытарыяльная адзінка ў складзе Салігорскага раёна Мінскай вобласці. Цэнтр — аграгарадок Хорастава.

Хорастаўскі сельсавет
Краіна	Беларусь
Уваходзіць у	Салігорскі раён
Уключае	7 населеных пунктаў
Адміністрацыйны цэнтр	Хорастава
Дата ўтварэння	12 кастрычніка 1940
Насельніцтва (2019)	1 203
Часавы пояс	UTC+03:00
Код аўтам. нумароў	5

Утвораны 12 кастрычніка 1940 года ў складзе Ленінскага раёна Пінскай вобласці, з 8 студзеня 1954 года — Брэсцкай вобласці. 16 ліпеня 1954 года да сельсавета далучана тэрыторыя скасаванага Пузіцкага сельсавета^[1]. 26 красавіка 1956 года ў склад сельсавета з Лугскага сельсавета Лунінецкага раёна перададзена вёска Гоцк^[2]. 20 студзеня 1960 года пасля скасавання Ленінскага раёна ўвайшоў у склад Старобінскага раёна Мінскай вобласці^[3]. З 25 снежня 1962 года — у складзе Любанскага раёна, з 14 студзеня 1963 года — у Лунінецкім раёне Брэсцкай вобласці, з 30 красавіка 1965 года — у Салігорскім раёне^[4]. У 1982 годзе ў склад Гаўрыльчыцкага сельсавета перададзена вёска Вейна^[5]. 23 сакавіка 1987 года з часткі сельсавета ўтвораны Гоцкі сельсавет^[6].

Насельніцтва сельсавета паводле перапісу 2009 года — 1897 чалавек^[7], з іх 98,7 % — беларусы, 0,6 % — рускія^[8]; паводле перапісу 2019 года — 1203 чалавекі^[9].