Гемарой

Гемарой (грэч. αἷμα + ῥεῖν – кроў + цекчы; народная назва — пачачуй^[3]) — захворванне, звязанае з трамбозам, запаленнем, паталагічным пашырэннем і звітасцю гемараідальных вен, якія ўтвараюць вузлы вакол прамой кішкі. Суправаджацца ўзнікненнем такіх хвароб, як вострая і хранічная анальная трэшчына, рэктальны свішч, гнайнікі вакол прамой кішкі і нетрыманне газаў. Ускладненні хваробы выклікаюць ацёк анальнай адтуліны, гнойны парапрактыт  (англ.) і амярцвенне  (англ.) тканак гемараідальнага вузла.

Гемарой
Гемарой
МКХ-11	DB60
МКХ-10	I84.84.
МКХ-10-КМ	K64
МКХ-9	455455
МКХ-9-КМ	455[1][2] і 455.8[2]
DiseasesDB	10036
MedlinePlus	000292
eMedicine	med/2821 emerg/242emerg/242
MeSH	D006484
Медыяфайлы на Вікісховішчы

Папярэджанне

Узнікненне хваробы прадухіляе:

• штодзённае піццё 2 літраў вадкасці;
• ужыццё кашаў, свежай і багатай на клятчатку гародніны (буракі, гарбузы і кабачкі) і садавіны (бананы, абрыкосы і чарнасліў), таксама жытняга і пшанічнага вотруб'я  (англ.), марской капусты і насення лёну;
• змяншэнне ўжыцця спіртовых і газіраваных напояў, вострай і салёнай ежы;
• прыём шклянкі высокамінералізаванай вады тройчы на дзень;
• змяншэнне выкарыстання слабільнага сродка  (англ.) і клізмы  (англ.);
• пазбяганне пад'ёму цяжараў;
• штодзённае выкананне 20 практыкаванняў для брушнога прэса, ног і ягадзіц;
• частыя перапынкі пры кіраванні аўтамабілем;
• апаражненне кішэчніка толькі пры адчуванні позыва;
• змяншэнне лішняй вагі.

Фактары, якія спрыяюць развіццю гемарою

• Атлусценне
• Спадчынная схільнасць.
• Няправільнае харчаванне (вострая ежа, чай, кава, алкаголь).
• Маларухомы лад жыцця ці праца, звязаная з малой рухальнай актыўнасцю.
• Дзейнасць, звязаная з празмерным напружаннем мышцаў (вялікія фізічныя нагрузкі).
• Цяжарнасць і роды ў жанчын.
• Стрэс.
• Парушэнне адтоку крыві ў прамой кішцы.
• Частыя завалы.
• Запаленчыя і пухлінныя працэсы ў кішэчніку і печані.

Праявы

Хвароба напачатку выяўляецца пра смыленне, сверб, паколванне і распіранне ў вобласці задняга праходу пры спаражненні. Вакол ануса ўтвараецца балючае зацвярдзенне ў выглядзе сплацення пашыраных крывяных сасудаў. З часам боль пачынае ўзнікаць пры кашлі і руху цела, што замінае стаяць, хадзіць і сядзець. Затым падчас спаражнення з’яўляецца крывацёк, што выклікае малакроўе і слабасць^[4].

Зноскі

1. Disease Ontology — 2016. Праверана 15 мая 2019.

   <a href='https://wikidata.org/wiki/Track:Q4117183'></a><a href='https://wikidata.org/wiki/Track:Q5282129'></a>
2. Monarch Disease Ontology release 2018-06-29 — 2018-06-29 — 2018. Праверана 28 ліпеня 2018.

   <a href='https://wikidata.org/wiki/Track:Q55345445'></a>
3. Ю.В. Мялешка, В.Л. Залуцкая (2 лютага 2010). "Хваробы ў паданнях беларусаў-сялян мінулых стагоддзяў". Беларускі дзяржаўны медыцынскі ўніверсітэт. Праверана 12 красавіка 2013.
4. Вольга Цыбульская. Гемарой: сарамлівасць і страх — прэч // Краіна здароўя. — 6 красавіка 2011. — № 17 (253). — С. 3.