Генадзь Аляксандравіч Вядзенін

Генадзь Аляксандравіч Вядзенін (нар. 9 жніўня 1939, Сталінград, Расія) — беларускі спецыяліст у галіне тэхналогіі і перапрацоўкі палімераў і кампазітаў, эканаміст. Кандыдат тэхнічных навук (1975), прафесар (1991). Член-карэспандэнт Беларускай інжынернай тэхналагічнай акадэміі (1993).

Генадзь Аляксандравіч Вядзенін
Дата нараджэння	9 жніўня 1939(1939-08-09) (86 гадоў)
Месца нараджэння	Сталінград, Сталінградская вобласць, РСФСР, СССР
Грамадзянства	СССР
Месца працы	Волжскі завод арганічнага сінтэзу[d] Красны Акцябр[d] Віцебскі дзяржаўны тэхналагічны ўніверсітэт
Навуковая ступень	кандыдат тэхнічных навук
Навуковае званне	прафесар
Альма-матар	Валгаградскі дзяржаўны архітэктурна-будаўнічы ўніверсітэт[d] Дзяржаўны ўніверсітэт кіравання[d]
Член у	Беларуская інжынерная тэхналагічная акадэмія
Узнагароды	грамата Міністэрства адукацыі Рэспублікі Беларусь

Біяграфія

Скончыў Валгаградскі інжынерна-будаўнічы інстытут (спецыяльнасць «Цеплазабеспячэнне і вентыляцыя», 1962), Маскоўскі інжынерна-эканамічны інстытут імя С. Арджанікідзе (спецыяльнасць «Арганізацыя прамысловай вытворчасці», 1972), Маскоўскі НДІ пластычных мас (аспірантура, 1975).

Працаваў на Валгаградскім металургічным заводзе «Красный Октябрь» (1962—1963); Прадпрыемства п/с № 5, г. Валгаград (1963—1964); Волжскім заводзе арганічнага сінтэзу (1964—1969, механік цэха, галоўны механік завода); ПА «Авангард», СКТБ «Курс», г. Сафонава, Смаленская вобласць (1969—1979, галоўны механік завода, намеснік дырэктара, галоўны канструктар, начальнік СКТБ), Белгародскім заводзе па перапрацоўцы пластмас (1979—1989, галоўны інжынер), Віцебскмі дзяржаўным тэхналагічным універсітэце (1989—2016, эканамічны факультэт, кафедра «Эканамічная тэорыя і маркетынг», прафесар, у 1989—2010 — загадчык кафедры, 1989—1993 — прарэктар па навуковай рабоце).

Навуковыя інтарэсы: машынабудаванне; вырабы з кампазіцыйна-валакністых матэрыялаў; эканоміка галіны; маркетынгавая дзейнасць; маркетынгавыя даследаванні; кіраванне маркетынгам прамысловага прадпрыемства.

Узнагароды

Ордэн Працоўнага Чырвонага Сцягу (1976); прэмія Савета Міністраў СССР (1977); ганаровыя граматы Міністэрства адукацыі Рэспублікі Беларусь (2004), адміністрацыі Кастрычніцкага раёна г. Віцебска (2005), Віцебскага дзяржаўнага тэхналагічнага ўніверсітэта (1999, 2004).

Зноскі