Генадзь Баляслававіч Хоміч

Генадзь Баляслававіч Хоміч (нар. 1971, в. Заполле, Шчучынскі раён, Гродзенская вобласць) — беларускі дзяржаўны дзеяч.

Генадзь Баляслававіч Хоміч
Старшыня Слонімскага раённага выканаўчага камітэта з 7 сакавіка 2018
Папярэднік	Алег Мечыслававіч Таргонскі
Нараджэнне	1971 Заполле, Ражанкаўскі сельсавет, Шчучынскі раён, Гродзенская вобласць, Беларуская ССР, СССР
Адукацыя	Беларуская дзяржаўная сельскагаспадарчая акадэмія (1993) Акадэмія кіравання пры Прэзідэнце Рэспублікі Беларусь (2017)
Узнагароды	ганаровая грамата Нацыянальнага сходу Рэспублікі Беларусь (2017)

У Вікіпедыі ёсць артыкулы пра іншых людзей з прозвішчам Хоміч.

Біяграфія

У 1993 годзе скончыў Беларускую сельскагаспадарчую акадэмію, у 2017 годзе — Акадэмію кіравання пры Прэзідэнце Рэспублікі Беларусь.

З 1993 года працаваў начальнікам Воранаўскага аграхімаддзела Гродзенскай абласной праектна-вышукальнай станцыі хімізавання Воранаўскага раёна, з 1996 года — аграномам-насенняводам калгаса «Наперад» Воранаўскага раёна, з 1998 года — галоўным аграномам камунальнага сельскагаспадарчага ўнітарнага прадпрыемства «Саўгас „Вялікае Мажэйкава“» Шчучынскага раёна, з 2008 года — намеснікам дырэктара, а з 2010 года — дырэктарам гэтага ж прадпрыемства. З 2014 года — першы намеснік старшыні — начальнік упраўлення сельскай гаспадаркі і харчавання Шчучынскага раённага выканаўчага камітэта. З 7 сакавіка 2018 года прызначаны на пасаду старшыні Слонімскага раённага выканаўчага камітэта.

З 2010 года з’яўляўся дэпутатам Мажэйкаўскага сельскага і Шчучынскага раённага Саветаў дэпутатаў.

Узнагароды

У 2017 годзе ўзнагароджаны Ганаровай граматай Нацыянальнага сходу Рэспублікі Беларусь.

Сям’я

Жанаты, мае дваіх дзяцей.

Спасылкі

• Біяграфія