Генадзь Якаўлевіч Бяляеў

Генадзь Якаўлевіч Бяляеў (нар. 25 кастрычніка 1939, в. Старое Сяло, Віцебскі раён, Віцебская вобласць) — беларускі спецыяліст у галіне тэхналогіі машынабудавання. Кандыдат тэхнічных навук (1975), дацэнт (1978), прафесар (1998). Член-карэспандэнт Міжнароднай акадэміі тэхнічнай адукацыі (1995), Беларускай інжынернай акадэміі (2000).

Генадзь Якаўлевіч Бяляеў
Дата нараджэння	25 кастрычніка 1939(1939-10-25) (85 гадоў)
Месца нараджэння	Старое Сяло, Лятчанскі сельсавет, Віцебскі раён, Віцебская вобласць, Беларуская ССР, СССР
Род дзейнасці	выкладчык універсітэта
Месца працы	машынабудаўнічы факультэт БНТУ
Навуковая ступень	кандыдат тэхнічных навук
Альма-матар	БНТУ
Узнагароды

У Вікіпедыі ёсць артыкулы пра іншых людзей з прозвішчам Бяляеў.

Біяграфія

Скончыў Беларускі політэхнічны інстытут (спецыяльнасць «Металарэзныя станкі і інструменты», 1968).

Працаваў у Беларускім нацыянальным тэхнічным універсітэце (з 1968, машынабудаўнічы факультэт, кафедра «Тэхналогія машынабудавання», прафесар, у 1976—2004 — дэкан факультэта).

Навуковыя інтарэсы: абразіўнае зношванне матэрыялаў; тэхналогія лазернай плазменнай і газаплазменнай апрацоўкі матэрыялаў.

Узнагароды

Медалі «За асваенне цалінных зямель», «Ветэран працы», значкі «Выдатнік вышэйшай школы СССР», «Вынаходнік СССР», «Выдатнік адукацыі Рэспублікі Беларусь», вышэйшы знак Міністэрства адукацыі ГДР «За супрацоўніцтва ў галіне адукацыі».

Зноскі