Генадзь Паўлавіч Аляксеенка

У Вікіпедыі ёсць артыкулы пра іншых людзей з прозвішчам Аляксеенка.

Генадзь Паўлавіч Аляксеенка (нар. 30 мая 1952, г. Чавусы, Магілёўская вобласць) — беларускі дзяржаўны і грамадскі дзеяч, педагог.

Генадзь Паўлавіч Аляксеенка
дэпутат Вярхоўнага Савета Беларусі 9 студзеня 1996 — 9 студзеня 2001
дэпутат Палаты прадстаўнікоў Нацыянальнага сходу Рэспублікі Беларусь[d] 27 лістапада 1996 — 21 лістапада 2000
Нараджэнне	30 мая 1952(1952-05-30)[1] (73 гады) Чавусы, Чавускі раён, Магілёўская вобласць, Беларуская ССР, СССР[1]
Партыя	Беларуская партыя левых «Справядлівы свет» (1997)[1]
Адукацыя	Факультэт фізічнай культуры ГДУ імя Ф. Скарыны[1] факультэт матэматыкі і прыродазнаўства МДУ імя А. А. Куляшова

Біяграфія

Вучыўся ў сярэдняй школе № 2 Чавус. Пасля заканчэння школы паступіў у Магілёўскі педінстытут на фізіка-матэматычны факультэт, але па шэрагу абставін пакінуў вучобу. Праз некаторы час паступіў у Гомельскі ўніверсітэт на факультэт фізічнай культуры, які скончыў у 1978 годзе. У 1993 годзе атрымаў другую вышэйшую адукацыю на гістарычным факультэце Магілёўскага педагагічнага інстытута. Член Партыі камуністаў Беларускай.

Прпцаваў настаўнікам, а потым і дырэктарам сярэдняй школы № 1 г. Чавусы, першым намеснікам міністра спорту і турызму Рэспублікі Беларусь, дырэктарам культурна-спартыўнага рэспубліканскага ўнітарнага прадпрыемства «Палац спорту», быў памочнікам Прэзідэнта Рэспублікі Беларусь па пытаннях фізічнай культуры, спорту і развіцця турызму і першым віцэ-прэзідэнтам НАК Беларусі кіраваў Рэспубліканскім цэнтрам алімпійскай падрыхтоўкі па лёгкай атлетыцы. Працуе ў Мінскім аб’яднаным спартыўным клубе Федэрацыі прафсаюзаў Беларусі.

У 1995 годзе стаў дэпутатам Вярхоўнага Савета Рэспублікі Беларусь трынаццатага склікання ад Чавускай выбарчай акругі № 175 Магілёўскай вобласці^[2].

Зноскі

1. Кто есть кто в Республике Беларусь — Białystok: Podlaski Instytut Wydawniczy, 2000. — С. 13. — 313 с. — ISBN 978-83-913780-0-7

   <a href='https://wikidata.org/wiki/Track:Q14266181'></a><a href='https://wikidata.org/wiki/Track:Q761'></a><a href='https://wikidata.org/wiki/Track:Q14265955'></a>
2. СПІС дэпутатаў Вярхоўнага Савета Рэспублікі Беларусь трынаццатага склікання, зарэгістраваных 19 снежня 1995 года дэпутаты, выбраныя 29 лістапада 1995 года Архівавана 20 кастрычніка 2021.