Герд Фальтынгс
From Wikipedia, the free encyclopedia
Remove ads
Герд Фальтынгс (ням.: Gerd Faltings; нар. 28 ліпеня 1954, Гельзенкірхен-Бюрэ) — нямецкі матэматык, лаўрэат Філдсаўскай прэміі (1986), вядомы сваімі працамі ў галіне алгебраічнай геаметрыі.
З 1972 па 1978 гады вывучаў матэматыку і фізіку ў Вестфальскім універсітэце імя Вільгельма. У 1978 годзе атрымаў ступень Ph.D. па матэматыцы, а ў 1981 годзе прайшоў хабілітацыю (і тое, і другое — у тым жа Вестфальскім універсітэце імя Вільгельма). З 1982 па 1984 гады быў прафесарам Вупертальскага ўніверсітэта, затым — прафесарам Прынстанскага ўніверсітэта (1985—1994).
У 1986 годзе ва ўзросце 32 гадоў Герд Фальтынгс быў удастоены Філдсаўскага медаля за доказ гіпотэзы Мардэла. З 1995 года з’яўляецца членам савета дырэктараў Інстытута матэматыкі таварыства Макса Планка ў Боне. У 1996 годзе атрымаў прэмію імя Лейбніца Нямецкага навукова-даследчага таварыства — вышэйшую германскую ўзнагароду для навукоўцаў-даследчыкаў.
У 2015 годзе разам з Хенрыкам Іванецам быў удастоены прэміі Шаа за ўвядзенне і развіццё базавых інструментаў тэорыі лікаў, якія дазволілі ім і іншым вырашыць некаторыя задачы, што сталі класічнымі.
Член Леапальдзіны (1992), Рэйнска-Вестфальскай АН (1999) і Еўрапейскай акадэміі (2014), Берлінска-Брандэнбургскай АН, член-карэспандэнт Гётынгенскай АН (1991), замежны член Лонданскага каралеўскага таварыства (2016), Нацыянальнай акадэміі навук ЗША.
Remove ads
Узнагароды
- 1983 — Прэмія імя Дэні Хайнемана
- 1986 — Філдсаўская прэмія
- 1988 — Стыпендыя Гугенхайма
- 1996 — Прэмія імя Лейбніца
- 2008 — Прэмія Штаўта
- 2010 — Heinz Gumin Preis
- 2014 — Міжнародная прэмія караля Фейсала
- 2015 — Прэмія Шаа
- 2017 — Медаль Кантара
Зноскі
- MacTutor History of Mathematics archive — 1994. Праверана 22 жніўня 2017.
- Gerd Faltings // Brockhaus Enzyklopädie
- https://www.shawprize.org/autobiography/gerd-faltings/ Праверана 8 снежня 2024.
- Deutsche Nationalbibliothek Record #118686003 // Агульны нарматыўны кантроль — 2012—2016. Праверана 2 красавіка 2015.
- www.ae-info.org
Remove ads
Wikiwand - on
Seamless Wikipedia browsing. On steroids.
Remove ads