Германавічы (гміна)

Гміна Германавічы (польск.: Gmina Hermanowicze) — колішняя вясковая гміна, якая існавала да 1939 года ў Навагрудскім ваяводстве, Віленскай зямлі, Віленскім ваяводстве Польскай Рэспублікі (цяпер тэрыторыя Беларусі). Сядзіба размяшчалася ў мястэчку Германавічы (593 жых. у 1921 годзе^[1])^[2]. Гміна ахоплівала сельскую мясцовасць вакол Дзісны.

Германавічы
польск.: Gmina Hermanowicze
Краіна	Польская Рэспубліка
Уваходзіць у	Дзісенскі павет
Уключае	94 грамады
Адміністрацыйны цэнтр	Германавічы
Дата ўтварэння	1921
Дата скасавання	1939
Насельніцтва (1921)	7 575[1]

У паняцця ёсць і іншыя значэнні, гл. Германавічы (значэнні).

У самым пачатку міжваеннага перыяду гміна Германавічы ўваходзіла ў склад Дзісенскага павета Навагрудскага ваяводства^[1]. 13 красавіка 1922 года гміна разам з астатнім Дзісенскім паветам была ўключана ў склад Віленскай зямлі^[3], ператворанай 20 студзеня 1926 года ў Віленскае ваяводства.

11 красавіка 1929 года ў склад гміны Германавічы перададзена частка тэрыторыі скасаванай гміны Сцяфанпаль, у той час як частка тэрыторыі гміны Германавічы уключана ў склад гміны Шаркаўшчына^[4].

У лістападзе 1939 года павет уключаны ў склад БССР, скасаваны 15 студзеня 1940 года разам з гмінамі.

Зноскі

1. Skorowidz miejscowości Rzeczypospolitej Polskiej — Tom VII — Część II — Ziemia Wileńska — Powiaty: Brasław, Duniłowicze, Brasław i Wilejka, Główny Urząd Statystyczny Rzeczypospolitej Polskiej, Warszawa 1923
2. Główny Urząd Statystyczny w Warszawie: Województwa centralne i wschodnie Rzeczypospolitej Polskiej — podział na gminy według stanu z dnia 1.IV 1933 roku, Książnica-Atlas, Lwów 1933
3. Dz. U. z 1922 r. Nr 26, poz. 213 — Art. 8.
4. Dz. U. z 1929 r. Nr 22, poz. 224