Гнэся Львоўна Дазорцава

Гнэся Львоўна Дазорцава (руск.: Дозорцева Гнеся Львовна; 31 снежня 1901, Карма — 14 жніўня 1966, Мінск) — беларускі вучоны ў галіне акушэрства і гінекалогіі. Доктар медыцынскіх навук (1945), прафесар (1945).

Гнэся Львоўна Дазорцава
Дата нараджэння	31 снежня 1901 (13 студзеня 1902)[1]
Месца нараджэння	Карма, Рагачоўскі павет, Магілёўская губерня, Расійская імперыя
Дата смерці	14 жніўня 1966(1966-08-14) (64 гады)
Месца смерці	Мінск, Беларуская ССР, СССР
Месца пахавання	Усходнія могілкі
Грамадзянства	Расійская імперыя  СССР
Род дзейнасці	акушэр, гінеколаг, урач, выкладчыца ўніверсітэта, медыцынскі адміністратар
Месца працы	БДМУ НДІ аховы мацярынства і дзяцінства[d]
Навуковая ступень	доктар медыцынскіх навук[2] (1945)
Навуковае званне	прафесар[2]
Альма-матар	медыцынскі факультэт БДУ (1927)[2]
Узнагароды

Біяграфія

Скончыла медыцынскі факультэт Беларускага дзяржаўнага ўніверсітэта (1927); ардынатар акушэрска-гінекалагічнай клінікі медыцынскага факультэта БДУ (1927—1930); асістэнт кафедры акушэрства і гінекалогіі Беларускага (Мінскага) медыцынскага інстытута (1930—1938), адначасова дырэктар НДІ аховы мацярынства і дзяцінства Наркамздрава БССР, галоўны гінеколаг Мінска (1931—1934).

Дацэнт кафедры акушэрства і гінекалогіі Мінскага медыцынскага інстытута (1938—1941). У гады Вялікай Айчыннай вайны старэйшы ардынатар, начальнік хірургічнага аддзялення эвакашпіталю (1941—1942). Дацэнт кафедры акушэрства і гінекалогіі Кіргізскага медыцынскага інстытута (1942—1943); дацэнт кафедры акушэрства і гінекалогіі Беларускага (Яраслаўль), Мінскага медыцынскага інстытута (1943—1945).
Прафесар кафедры акушэрства і гінекалогіі Мінскага медыцынскага інстытута (1945—1954), адначасова загадчыца аддзела мацярынства і дзяцінства НДІ аховы мацярынства і дзяцінства Міністэрства аховы здароўя БССР (1945—1954); навуковы кіраўнік інстытута (1954—1958).

Намеснік старшыні Беларускага навуковага таварыства акушэраў-гінеколагаў; член праўлення Рэспубліканскага таварыства па распаўсюджванню навуковых і палітычных ведаў, рэдакцыйнай калегіі часопіса «Работніца i сялянка».

Навуковая дзейнасць

Г. Л. Дазорцавай належаць навуковыя працы па біялагічных і біяхімічных фактарах і функцыянальнай дыягностыцы хвароб жаночых палавых органаў. Сярод апублікаваных прац:

• Биологические и биохимические защитные факторы влагалища, 1948;
• Диагностическое значение цитологической картины отделяемого влагалища, 1949
• Применение гормона желтого тела в акушерстве и гинекологии, 1952
• Функциональная диагностика в акушерстве и гинекологии на основе цитологических исследований. — Мн. 1962.
• Пути снижения травматизма в родах, 1957
• Атлас микрофотограмм по цитологии и микрофлоре женской половой сферы, 1957

Зноскі

1. https://www.bsmu.by/page/55/3092/
2. http://unicat.nlb.by/opac/pls/dict.prn_ref?tu=r&tq=v0&name_view=va_aall&a001=BY-SEK-348126&strq=l_siz=20