Горвальскі замак

Го́рвальскі за́мак — колішні замак, які існаваў y XVI—XVIII стст. на тэрыторыі Беларусі каля вёскі Горваль Рэчыцкага раёна Гомельскай вобласці.

Славутасць
Горвальскі замак
52°34′26″ пн. ш. 30°11′48″ у. д.HGЯO
Краіна	Беларусь
Месцазнаходжанне	Горваль
Дата заснавання	XVI стагоддзе
Дата скасавання	XVIII стагоддзе
Матэрыял	драўніна

У XVI стагоддзі быў бастыённым, але меў і драўляныя ўмацаванні. Горвальскі замак з’яўляўся важным пунктам кантролю за пераправай цераз Бярэзіну і водным шляхам да Дняпра.

У час казацка-сялянскай вайны 1648—1651 гадоў украінскія казакі разбілі ў 1648 годзе пад Горвалем войска стражніка вялікага літоўскага Рыгора Мірскага і авалодалі замкам. У лістападзе 1654 годзе казакі ўкраінскага гетмана І. Залатарэнкі бралі Горвальскі замак штурмам, y выніку ён быў спалены.

Пазней адноўлены, але ў час Паўночнай вайны 1700—1721 гадоў канчаткова знішчаны.

Літаратура

• Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).
• Горвальскі замак // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 238. — 800 с. — 5 000 экз. — ISBN 985-11-0026-9.