Макензі (горы)

У паняцця ёсць і іншыя значэнні, гл. Макензі (значэнні).

Макензі (англ.: Mackenzie Mountains) — горная сістэма на паўночным захадзе Канады, частка ўсходняга пояса Кардыльер Паўночнай Амерыкі. Названа ў гонар А. Макензі.

Макензі
англ. Mackenzie Mountains
Кілі-Пік
Краіна	Канада
Плошча	330 782 км²
Даўжыня	937 км
Шырыня	795 км
Найвышэйшая вяршыня	Кілі-Пік
Найвышэйшы пункт	2952 м
Медыяфайлы на Вікісховішчы

Абмежавана ракой Піл на поўначы і ракой Саўт-Нахані на поўдні.

Складзена пераважна з асадкавых парод. Ледавіковыя формы рэльефу. Характэрны востраканцовыя вяршыні і стромкія скалістыя схілы, расчлянёныя трогавымі далінамі. На схілах бяруць пачатак шматлікія прытокі Макензі.

Расліннасць: таежныя яловыя лясы, рэдкалессе (да вышыні 1200—1500 м), горныя тундры.

Нацыянальны парк Нахані (плошча 476,5 тыс. га) быў заснаваны ў 1972 годзе. Уключаны ЮНЕСКА ў спіс Сусветнай спадчыны.

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).

Спасылкі

• Peakware.com Архівавана 24 красавіка 2013.