Груша ўсурыйская

Груша ўсурыйская (Pȳrus ussuriēnsis) — расліна роду Груша (Pyrus). Груша ўсурыйская была апісана ў 1857 годзе расійскім батанікам Карлам Іванавічам Максімовічам^[1].

Груша ўсурыйская
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ружакветныя Сямейства:  Ружавыя Падсямейства:  Слівавыя Трыба:  Яблыневыя Род:  Груша Від:  Груша ўсурыйская
Міжнародная навуковая назва
Pyrus ussuriensis Maxim. ex Rupr., 1856
Сістэматыка на Віківідах Выявы на Вікісховішчы ITIS   506230 NCBI   309349 EOL   16883959 IPNI   731337-1 TPL   rjp-6998

Батанічнае апісанне

Вышыня ствала дрэва 10-15 м, кара цёмна-шэрая, часам амаль чорная. Крона густая і шырокая.

Верхні бок лісця глянцавіты, цёмна-зялёны, ніжні матавы і светлы, восенню лісце становіцца барвова-чырвоным.

Кветкі белыя, буйныя, дыяметрам 3-4 см, з моцным пахам^[2].

Плады круглыя, падоўжаныя, пладаножкі кароткія, даўжыня 1,5-6,7 см Плады спеюць у канцы жніўня — пачатку верасня^[3][1].

Карані ўсурыйскай грушы распаўсюджваюцца, як правіла, у паверхневых слаях глебы, у глыбіню пранікаюць на 0,7-1,1 метра. Дзейныя вільгацеўсмоктвальныя карані размяшчаюцца на глыбіні 10-50 см, а па распаўсюджанні ў гарызантальным кірунку супадаюць з памерамі кроны або выходзяць за яе межы не больш, чым на 1 метр (Казьмін, 1985).

Распаўсюджанне

Арэал ахоплівае Далёкі Усход Расіі, Паўночна-Усходні Кітай і Карэйскі паўвостраў.

Зноскі

1. Груша уссурийская. Архівавана 5 снежня 2014. Интернет-журнал «Декоративный сад».
2. Ussurian or Harbin Pear. N.D. Tree Handbook Edited by Dale E. Herman, Craig M. Stange, Vernon C. Quam. North Dakota State University.
3. Груша уссурийская Архівавана 5 снежня 2014.. Биофайл. Научно-информационный журнал.