Грыгішкес

Грыгішкес (літ.: Grigiškės) — горад у паўднёвай Літве. Уваходзіць у склад Віленскага гарадскога самакіравання Віленскага павета. Размешчаны за 17 км ад Вільні. Праз горад ідзе шаша Вільня — Коўня. Горад адносіцца да этнаграфічнага рэгіёну Аўкштота.

Горад Грыгішкес літ.: Grigiškės Герб Сцяг Краіна  Літва Павет Віленскі Сянюнія Грыгішкеская Каардынаты 54°40′10″ пн. ш. 25°05′30″ у. д.HGЯO Горад з 1958 Плошча 7,1 км² Вышыня цэнтра 90 м Насельніцтва ▼9 750 чал. (1 студзеня 2023)[1] Часавы пояс UTC+2, летам UTC+3 Грыгішкес на карце Літвы

Медыяфайлы на Вікісховішчы

Гісторыя

Пахаванні V—VII і VIII—X стагоддзяў у наваколлях горада паказваюць на тое, што паселішчы ў гэтай мясцовасці існавалі спрадвеку. У сучасным выглядзе горад пачаў фарміравацца толькі з пачатку XX стагоддзя, калі ў гэтых месцах быў пабудаваны завод па вытворчасці кардона і паперы, якім кіраваў прадпрымальнік беларускага паходжання Рыгор Курэц.

Пасля 1920 года мясцовасць адышла да Польшчы, уваходзіла ў Віленска-Троцкі павет Віленскага ваяводства. За польскім часам мясцовасць звалі Грэгарава (польск.: Grzegorzewo). У выніку заходняга паходу Чырвонай арміі ў верасні 1939 года акупавана СССР, у кастрычніку 1939 года тэрыторыя перададзена Літве.

Пасля Другой сусветнай вайны завод быў пашыраны, што спрыяла далейшаму росту горада, які адбываўся галоўным чынам за кошт рабочых з Беларусі і рэпатрыянтаў дэпартаваных у аддаленыя паўночныя раёны РСФСР.

15 мая 1958 года Грыгішкес атрымаў статус пасёлка гарадскога тыпу, таксама ў гэтым жа годзе была заснавана першая школа з навучаннем на літоўскай мове. У 1968 годзе была адкрыта бібліятэка.

У 2000 годзе Грыгішкес увайшоў у склад Віленскага гарадскога самакіравання.

Насельніцтва

Год Колькасць 2001 11 485 [1] 2002 11 395 [1] 2003 11 444 [1] 2004 11 474 [1] 2005 11 496 [1] 2006 11 440 [1] Год Колькасць 2007 11 368 [1] 2008 11 294 [1] 2009 11 250 [1] 2010 11 137 [1] 2011 10 896 [1] 2012 10 656 [1] Год Колькасць 2013 10 484 [1] 2014 10 394 [1] 2015 10 433 [1] 2016 10 467 [1] 2017 10 580 [2] 2018 10 641 [1] Год Колькасць 2019 10 725 [3] 2020 10 808 [3] 2021 9 950 [1] 2022 9 833 [3] 2023 9 750 [1]