Гідраргіліт

Гідраргіліт, Гібсіт (грэч. hydor + argillos, вада і белая гліна) — мінерал, аксід алюмінію, γ-Al(OH)₃ (часам α-Al(OH)₃. Утрымоўвае 65,4 % гліназёму (Al₂O₃); вядомыя прымешкі Fe3+ і Ga3+, якія замяшчаюць ў структуры Al3+. Назва паходзіць ад прозвішча англійскага мінеролага Дж. Гібса (англ.: G. Gibbs).

Гідраргіліт
Формула	Al(OH)3
Статус IMA	approved mineral and/or valid name (A)[d][1]
Фізічныя ўласцівасці
Колер	Бясколерны ці зеленаватага, чырванаватага ці блакітнаватага колеру[2]
Цвёрдасць	2,5—3,5[3]
Спайнасць	добрая[3]
Шчыльнасць	2,3—2,4[3] г/см³
Сінгонія	monoclinic crystal system[d]
Медыяфайлы на Вікісховішчы

Крышталізуецца ў манакліннай сінгоніі. Крышталічная структура слаістая, складаецца з двулістных пакетаў (OH), у сярэдзіне якіх размешчаны іоны Al3+. Па слабых міжпакетных сувязях праходзіць добрая спайнасць. Гідрагіліт утварае дробныя тонкапласціністыя, звычайна бясколерныя з перламутравым бляскам крышталікі, а таксама парашкаватыя масы і скарыначкі з радыяльна-прамяністай або лускаватай мікраструктурай. Цвёрдасць па мінералагічнай шкале 2,5—3,5; шчыльнасць 2300—2400 кг/м³. Гідраргіліт звычайна ўтвараецца пры выветрыванні парод, багатых гліназёмам. Разам з іншымі гідравокісламі алюмінію (дыяспар, бёміт) і жалеза гідаргіліт уваходзіць у склад баксітавых руд.

Зноскі

1. International Mineralogical Association - Commission on new minerals, nomenclature and classification The IMA List of Minerals (February 2013) — 2013.

   <a href='https://wikidata.org/wiki/Track:Q26224004'></a><a href='https://wikidata.org/wiki/Track:Q13651104'></a>
2. Гидраргиллит // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
3. Гідраргіліт (руск.) — артыкул з Вялікай савецкай энцыклапедыі