Гілярый Гіляравіч Гараўскі

Гілярый Гіляравіч Гараўскі (1847, Уборкі, Ігуменскі павет, Мінская губерня — пасля 1875) — акварэліст, брат Апалінарыя Гараўскага і Іпаліта Гараўскага.

Гілярый Гіляравіч Гараўскі
А. Гараўскі. Партрэт Г. Г. Гараўскага. 1862 (Намаляваны ў мундзіры обер-афіцэра лёгкай кавалерыі)
Дата нараджэння	18 (30) снежня 1846
Месца нараджэння	Уборкі, Брадзецкая воласць[d], Ігуменскі павет, Мінская губерня, Расійская імперыя
Дата смерці	не раней за 1875
Грамадзянства	Расійская імперыя
Бацька	Гілярый Францавіч Гараўскі[d]
Маці	Марыяна Якаўлеўна Гараўская[d]
Род дзейнасці	мастак
Жанр	акварэльны жывапіс[d]
Вучоба	Аляксандраўскі кадэцкі корпус[d] Рысавальная школа Імператарскага таварыства заахвочвання мастацтваў[d] (1868) Імператарская Акадэмія мастацтваў (1873)
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Гараўскі.

Біяграфія

Паходжанне і сям’я

А. Гараўскі. «Мар’яна Якаўлеўна Гараўская» — маці мастака, 1868

Паходзіў з дробнапамеснага шляхецкага роду Гараўскіх герба «Кораб». Бацькі — Гіляры Францавіч Гараўскі і Мар’яна Якаўлеўна. Гараўскія валодалі каля 200 га зямлі, якая дасталася бацьку мастака Гелярыю ад дзеда мастака Францішка Гараўскага^[1].

У сям’і было тры дачкі — Юліяна-Схаластыка (1831, Уборкі), Феліцыяна-Паўліна (1834, Наборкі), Амелія (каля 1842), і сыны — Іпаліт (1828, Астроўкі ― пасля 1864)^[2], Апалінары (1833, Наборкі ―1900), Караль (1838, Уборкі ― пасля 1869), Гектар (1843, Уборкі ― 1893), Гіляры (1847, Уборкі ― пасля 1875).^[3] Караль і Гектар былі прафесійнымі вайскоўцамі, Іпаліт, Апалінар і Гілярый ― мастакамі^[4].

Нарадзіўся 18 (30) снежня 1846 года ў ваколіцы Уборкі, хоць доўгі час лічылася, што ён нарадзіўся ў 1847 годзе. Ахрышчаны праз 5 дзён пасля нараджэння^[3].

Адукацыя

Атрымаў адукацыю ў Аляксандраўскім кадэцкім корпусе^[5], дзе вучыўся і яго старэйшы брат Апалінарый, але ўжо тым часам, калі корпус быў пераведзены з Брэста ў Маскву^[6]. У 1862 годзе пакінуў корпус «па сямейных абставінах»^[5].

Потым вучыўся ў Пецярбургскай школе малявання Таварыства заахвочвання мастацтваў да 1868 года, потым у акадэміі мастацтваў да 1873 года.

Творчасць

Сярод пейзажаў «Від шпіталя Петрапаўлаўскага сабора» (1870), «Кветкі» (1879)^[5]. Маляваў розныя куточкі Пецярбурга і кветкавыя нацюрморты^[7], закранаў у сваёй творчасці тэмы, звязаныя з жыццём і прыродай Беларусі^[8].