Гары Міхайлавіч Свяцкі

Гары Міхайлавіч Свяцкі (29 мая 1936, г. Менск) — беларускі архітэктар.

Гары Міхайлавіч Свяцкі
Дата нараджэння	29 мая 1936(1936-05-29) (89 гадоў)
Месца нараджэння	Менск, Беларуская ССР, СССР
Грамадзянства	СССР
Альма-матар	БПІ (1960)
Месца працы	Мінскпраект Адміністрацыя Фрунзенскага раёна г. Мінска Адміністрацыя Цэнтральнага раёна Белжылпраект
Член у	Саюз архітэктараў СССР Беларускі саюз архітэктараў
Узнагароды	Грамата Прэзідыума Вярхоўнага Савета БССР

У Вікіпедыі ёсць артыкулы пра іншых людзей з прозвішчам Свяцкі.

Біяграфія

Скончыў Беларускі політэхнічны інстытут у 1960 годзе. Працаваў у Мінскпраекце, з 1964 года — архітэктарам Фрунзенскага і Цэнтральнага раёнаў Мінска, з 1975 года — галоўны архітэктар праектаў, галоўны спецыяліст тэхаддзела ў Белжылпраекце.

Член Саюза архітэктараў СССР з 1974 года. Пражывае ў Мінску.

Творчасць

Дом мадэляў

Адміністрацыйны будынак ЦНДІТК па Партызанскім праспекце

Асноўныя працы (у аўтарскім калектыве): Рэспубліканскі дом мадэляў па праспекце Машэрава (1969), адміністрацыйны будынак^[d] ЦНДІТК па Партызанскім праспекце, інтэрнат трэста «Энергаспецмантаж» па праспекце Пушкіна (1971), рэканструкцыя трыбун і падтрыбунных памяшканняў стадыёна «Дынама», праект будынка Беларускага тэатра імя Я. Купалы (1980), рэканструкцыя адміністрацыйнага будынка па вул. Камсамольскай (1981) у Мінску.

Узнагароды

Узнагароджаны Граматай Прэзідыума Вярхоўнага Савета БССР.

Зноскі