Праспект Машэрава (Мінск)

Праспект Машэрава — магістральная вуліца ў Савецкім, Цэнтральным і Фрунзенскім раёнах горада Мінска, частка першага гарадскога кольца. Створаны ў 2005 шляхам перайменавання вуліц Варвашэні, Іерусалімскай, Дразда. Названы ў гонар Пятра Міронавіча Машэрава (1918—1980), дзяржаўнага, палітычнага і ваеннага дзеяча Беларусі і СССР. Да 2005 імем П.М.Машэрава называўся цяперашні праспект Пераможцаў.

Артыкул пра сучасны праспект з такой назвай. Пра пра праспект з той жа назвай да 2005 года гл. Праспект Пераможцаў (Мінск).

У паняцця ёсць і іншыя значэнні, гл. Праспект Машэрава.

Праспект Машэрава Мінск
Агульная інфармацыя
Краіна	Беларусь
Горад	Мінск
Раён	Савецкі, Цэнтральны, Фрунзенскі
Працягласць	3,9 км
Найбліжэйшыя станцыі метро	Плошча Перамогі
Назва ў гонар	Пятра Машэрава
Установы культуры	Рэспубліканскі тэатр беларускай драматургіі
Медыяфайлы на Вікісховішчы

Забудова

• № 1 (праспект Незалежнасці, 39) — жылы дом (архітэктар А. П. Брэгман)^[1].
• № 17 — будынак Белгорхімпрама. Узведзены як будынак Беларускага філіяла навукова-даследчага і праектнага інстытута галургіі (архітэктары М. Барсукоў, В. Нікіцін)^[1].

Рэспубліканскі тэатр беларускай драматургіі ў будынку Белдзіправадгаса

• № 25 (Крапоткіна № 44) — будынак Белдзіправадгаса (1978; Б. Ларчанка, І. Васілевіч). Складаецца з вышыннага дванаццаціпавярховага і выцягнутага па фронце шасціпавярховага карпусоў, аб’яднаных нізкай галерэяй-пераходам. У будынку размяшчаюцца Белдзіправадгас і Рэспубліканскі тэатр беларускай драматургіі.

Славутасці

• Мемарыяльны знак падпольшчыкам (1984)^[2].

Зноскі

1. Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
2. Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.