Давыд Барысавіч Мельцэр

Давыд Барысавіч Мельцэр (16 лютага 1925, Мазыр, Гомельскай вобласці — 2 красавіка 2022, ЗША) — беларускі гісторык-славіст. Доктар гістарычных навук (1975), прафесар (1976).

Давыд Барысавіч Мельцэр
Дата нараджэння	16 лютага 1925(1925-02-16)
Месца нараджэння	Мазыр, Мазырская акруга, Беларуская ССР, СССР
Дата смерці	2 красавіка 2022(2022-04-02) (97 гадоў)
Месца смерці	ЗША
Грамадзянства	Беларусь  ЗША
Род дзейнасці	гісторык, славіст, выкладчык універсітэта
Месца працы	БДУ Сафійскі ўніверсітэт
Навуковая ступень	доктар гістарычных навук
Навуковае званне	прафесар
Альма-матар	гістарычны факультэт БДУ (1948)

У Вікіпедыі ёсць артыкулы пра іншых людзей з прозвішчам Мельцэр.

Біяграфія

Скончыў гістарычны факультэт БДУ (1948), быў пакінуты ў аспірантуры. У 1952 годзе абараніў кандыдацкую дысертацыю^[1]. З 1951 года выкладаў у Мінскай школе прафсаюзнага руху Усесаюзнага цэнтральнага савета прафесійных саюзаў. У 1954—1992 гадах — дацэнт, прафесар гістарычнага факультэта БДУ. У 1975 годзе абараніў доктарскую дысертацыю^[2].

У 1972, 1974 і 1978 гадах чытаў спецыяльны курс у Сафійскім універсітэце (Балгарыя).

Аўтар прац пераважна па гісторыі Балгарыі, савецка-балгарскіх і беларуска-балгарскіх адносін у 19-20 ст.

У 1992 годзе іміграваў у ЗША, дзе працаваў палітычным аглядальнікам на тэлевізійным канале (1993—2010), займаўся гісторыяй і культурай яўрэяў. У эміграцыі напісаў некалькі кніг па гэтай тэматыцы, у тым ліку кнігу «Беларускія яўрэі ў Амерыцы» (2014)^[3].

Памёр 2 красавіка 2002 года.

Ацэнкі сучаснікаў

Мікалай Улашчык у лісце ад 1 лістапада 1984 года да Валянціна Грыцкевіча характарызаваў Мельцэра наступным чынам:

24 — 25 кастрычніка ў Беларускім універсітэце адбываліся Пічэтаўскія чытанні. Мельцэр (ад універсітэта) афіцыйна паведаміў, што я на чытаннях нежаданы. Ці не збіраліся яны мяне проста не пусціць на пасяджэнне? (...) Зважаючы на хамства, якое ўтварыў там ад’ютант Абэцэды, такое прадбачылася.

Зноскі

1. Роль Советского Союза в обеспечении свободы и независимости болгарского народа: автореферат диссертации на соискание ученой степени кандидата исторических наук / Мельцер Д.Б. – Ленинград, 1952. –22, [1] с.
2. Болгаро-советские отношения, 1917—1939 гг.: автореферат диссертации на соискание ученой степени доктора исторических наук: специальность 07.00.03 Всеобщая история / Мельцер Давид Борисович. - Минск, 1975. - 52, [1] с.
3. Иоффе Э., Стрелец М.. О ВКЛАДЕ БЕЛОРУССКИХ ЕВРЕЕВ В КУЛЬТУРНОЕ НАСЛЕДИЕ США. Рецензия на книгу «Белорусские евреи в Америке» (нявызн.).