Даніла Кірэевіч Сукачоў

У Вікіпедыі ёсць артыкулы пра іншых людзей з прозвішчам Сукачоў.

Даніла Кірэевіч Сукачо́ў^[4][5] (27 сакавіка 1901 — 15 мая 1973) — адзін з арганізатараў партызанскага руху і антыфашысцкага падполля на тэрыторыі Беластоцкай вобласці ў Вялікую Айчынную вайну.

Даніла Кірэевіч Сукачоў
Род дзейнасці	ваенны тэарэтык, дзяржаўны дзеяч
Дата нараджэння	27 сакавіка 1901(1901-03-27)
Месца нараджэння	Семукачы, Быхаўскі павет, Магілёўская губерня, Расійская імперыя[1][2]
Дата смерці	15 мая 1973(1973-05-15)[1][2] (72 гады)
Грамадзянства	Расійская імперыя  СССР
Месца працы	Гродзенскі раённы выканаўчы камітэт
Альма-матар	Вышэйшая камуністычная сельскагаспадарчая школа Беларусі імя У. І. Леніна
Партыя	УКП(б)[3]
Бітвы/войны	Грамадзянская вайна ў Расіі Вялікая Айчынная вайна
Узнагароды і прэміі

Біяграфія

Нарадзіўся ў вёсцы Семукачы (сучасны аграгарадок у Магілёўскім раёне Магілёўскай вобласці Беларусі). З кастрычніка 1918 года^[6] ў Чырвонай Арміі, удзельнік Грамадзянскай вайны. З 1924 года на савецкай і гаспадарчай рабоце. Член УКП(б) з 1926 года. У 1935 годзе скончыў Вышэйшую камуністычную сельскагаспадарчую школу Беларусі імя У. І. Леніна ў Мінску. З лістапада 1939 года займаў пасаду старшыні Ядвабнаўскага раённага выканаўчага камітэта ў Беластоцкай вобласці^[5]. З пачаткам Вялікай Айчыннай вайны з верасня^[5] 1941 года Д. К. Сукачоў у Чырвонай Арміі, з сакавіка^[5] 1943 года — у тыле ворага. З 27 чэрвеня^[5] 1943 года — член Беластоцкага падпольнага абласнога камітэта КП(б)Б, з 28^[5] (27^[7]) лістапада 1943 года па 25 студзеня^[7] 1944 года — старшыня камітэта Беластоцкай абласной антыфашысцкай арганізацыі. Дэмабілізаваўся ў красавіку 1944 года^[6].

З 1944 года Д. К. Сукачоў на савецкай рабоце. У 1947—1957 гадах — старшыня Гродзенскага раённага выканаўчага камітэта.

Памёр Даніла Кірэевіч Сукачоў 15 мая 1973 года^[4][5][7].

Узнагароды

• Медаль «Партызану Айчыннай вайны» I ступені (1944)^[6]
• Ордэн Леніна (1948)^[6]