Данііл Акімавіч Сібілеў

Данііл Акімавіч Сібілеў (1819 — не раней за 1901) — беларускі і расійскі медык і арганізатар аховы здароўя. Першы дырэктар Гродзенскай школы павітух^[1].

Данііл Акімавіч Сібілеў
Дата нараджэння	1819
Месца нараджэння	Харкаўская губерня або Чарнігаўская губерня, Маларасійскае ваеннае губернатарства, Расійская імперыя
Дата смерці	не раней за 1901
Грамадзянства	Расійская імперыя
Род дзейнасці	урач, медыцынскі адміністратар, педагог, ваенны ўрач
Альма-матар	медыцынскі факультэт Імператарскага Харкаўскага ўніверсітэта[d] (1843)
Узнагароды

У Вікіпедыі ёсць артыкулы пра іншых людзей з прозвішчам Сібілеў.

Біяграфія

Нарадзіўся ў 1819 годзе ў Харкаўскай^[1] або Чарнігаўскай^[2] губерні. На казённы кошт у 1843 годзе скончыў Харкаўскі ўніверсітэт^[2].

Знаходзіўся на службе ў Дынабургскім ваенным шпіталі  (руск.)^[1].

Пасля дэмабілізацыі займаўся прыватнай практыкай у Ваўкавыску^[1].

У 1872 годзе пыў запрошаны на дзяржаўную службу і прызначаны старшым урачом Гродзенскай акруговай лячэбніцы. За праяўленую стараннасць па службе ў 1877 годзе быў павышаны на пасадзе і прызначаны памочнікам гродзенскага губернскага ўрачэбнага інспектара^[1].

Прыклаў вялікія намаганні для стварэння ў Гродне школы павітух. Дзякуючы яго працы была створана матэрыяльная база і распрацаваны навучальныя праграмы. Гэта дазволіла адкрыць школу 1 кастрычніка 1876 года^[3].

З 1885 па 1888 год у Астрахані на пасадзе губернскага ўрачэбнага інспектара^[2][4].

Узнагароды

• ордэн Святога Уладзіміра 4 ступені^[2]
• ордэн Святой Ганны 2 ступені^[2]
• ордэн Святой Ганны 3 ступені^[2]
• ордэн Святога Станіслава 2 ступені^[2]
• ордэн Святога Станіслава 3 ступені^[2]
• знак Чырвонага крыжа^[2]
• медаль «У памяць вайны 1853—1856»^[2]

Адрасы

У Гродне на 1885 год жыў на Дравяной вуліцы ва ўласным доме № 12^[5].

Зноскі

1. Игнатович Ф. И. Врач К. С. Кемарский — видный организатор среднего медицинского образования и общественный деятель // Журнал Гродненского государственного медицинского университета : ежеквартальный научно-практический журнал. — 2011. — № 1. — С. 99-103 : фот. — Библиогр.: с. 103 (29 назв.) (руск.)
2. Памятная книжка Астраханской губернии на 1887 год. С. 50 (руск.)
3. НГАБ у Гродне. — ф. 9. — воп. 1. — спр. 747. — лл. 5-6
4. Памятныя кніжкі Астраханскай губерні за адпаведныя гады
5. СПИСОК гражданским чиновникам с показанием их местожительства (по 1-й части г. Гродно) на 1885 год (руск.)