Дзень сурка

У паняцця ёсць і іншыя значэнні, гл. Дзень сурка (значэнні).

Дзень сурка́ (англ.: Groundhog Day) — адна з найбольш папулярных традыцый у ЗША і Канадзе. Адзначаецца штогод 2 лютага. Паходзіць ад павер'я пенсільванскіх галандцаў, паводле якога, калі сурок выйдзе ў гэты дзень са сваёй нары і ўбачыць свой цень, то вернецца ў нару, а зіма працягнецца яшчэ шэсць тыдняў; калі ж ён не ўбачыць свайго ценю, то ў нару не вернецца, а вясна прыйдзе рана.

Дзень сурка
Дзень сурка ў Панксатоні ў 2013 годзе
Тып	народнае
Адзначаецца	амерыканцамі, канадцамі, часткова немцамі
Дата	2 лютага
Святкаванне	аб'ява пра тое, ці бачыць сурок свой цень пасля таго, як вылезе з нары.
Традыцыі	варажба аб прыходзе вясны
Звязана з	Стрэчанне Гасподняе

У некалькіх гарадах і паселішчах ЗША і Канады ў гэты дзень праводзяцца фэсты, прысвечаныя мясцовым суркам-метэаролагам, якія прывабліваюць шматлікіх турыстаў.

Прадказанні Панксатонскага Філа (англ.: Punxsutawney Phil), самага першага афіцыйнага сурка-метэаролага ЗША, атрымалі сусветную вядомасць дзякуючы рамантычнай камедыі «Дзень сурка» (1993). Гэты папулярны галівудскі фільм таксама паспрыяў папулярызацыі Дня сурка ў тых краінах, дзе гэтая традыцыя раней была невядомая.

Нягледзячы на тое што традыцыя застаецца папулярнай у ХХІ стагоддзі, даследаванні не выявілі сувязі паміж сурком, які бачыць свой цень, і часам надыходу вясны^[1].

Зноскі

1. Lewis, Tanya. Groundhog Day: How Often Does Punxsutawney Phil Get It Right? (нявызн.). Live Science (2 лютага 2017).