Дзмітрый Іванавіч Дубяга

У Вікіпедыі ёсць артыкулы пра іншых людзей з прозвішчам Дубяга.

Дзмітрый Іванавіч Дубяга (3 кастрычніка 1849, вёска Соіна, Мсціслаўскі павет, цяпер Смаленская вобласць — 22 кастрычніка 1918) — расійскі астраном беларускага паходжання.

Дзмітрый Іванавіч Дубяга
Дата нараджэння	3 (15) кастрычніка 1849
Месца нараджэння	Мсціслаў, Мсціслаўскі павет, Магілёўская губерня, Расійская імперыя або Соіна, Мсціслаўскі павет, Магілёўская губерня, Расійская імперыя
Дата смерці	22 кастрычніка 1918(1918-10-22)[1] (69 гадоў)
Месца смерці	Казань, Казанскі павет[d], Казанская губерня, РСФСР[2]
Месца пахавання	Астранамічная абсерваторыя імя В. П. Энгельгарта[d]
Дзеці	Аляксандр Дзмітрыевіч Дубяга[d]
Род дзейнасці	астрафізік, астраном
Навуковая сфера	астраномія
Месца працы	Пулкаўская абсерваторыя Астранамічная абсерваторыя Казанскага ўніверсітэта[d] Астранамічная абсерваторыя імя В. П. Энгельгарта[d] Імператарскі Санкт-Пецярбургскі ўніверсітэт Казанскі ўніверсітэт
Навуковае званне	прафесар звычайны
Альма-матар	фізіка-матэматычны факультэт Санкт-Пецярбургскага ўніверсітэта[d] Магілёўская мужчынская гімназія
Вядомыя вучні	Аляксандр Васілевіч Красноў
Узнагароды
Медыяфайлы на Вікісховішчы

Біяграфія

Нарадзіўся 3 кастрычніка 1849 года ў Мсціслаўскім павеце Магілёўскай губерні ў шляхецкай сям’і Івана Сямёнавіча Рэпойта-Дубягі. Акрамя старэйшага, Дзмітрыя, былі яшчэ тры сыны і дачка.

У 1868 годзе скончыў з залатым медалём Магілёўскую мужчынскую гімназію, у 1872 годзе — фізіка-матэматычны факультэт Санкт-Пецярбургскага ўніверсітэта.

Працаваў у Пулкаўскай астранамічнай абсерваторыі. У 1884—1918 гг. — дырэктар Казанскай абсерваторыі, з 1901 г. — дырэктар заснаванай ім паблізу Казані абсерваторыі імя Энгельгарта. У 1899—1905 гг. — рэктар Казанскага ўніверсітэта. Навуковыя працы па тэарэтычнай астраноміі, астраметрыі і гравіметрыі. Даследаваў арбіту спадарожніка Нептуна, стварыў тэорыю руху малой планеты. Па назіраннях казанскіх астраномаў склаў каталог каардынат 4 281 зоркі.

Памёр 22 кастрычніка 1918 года падчас моцнай эпідэміі іспанкі. Пахаваны пад Паўднёвай мірай Энгельгартаўскай абсерваторыі.

Зноскі

1. Дубяго Дмитрий Иванович // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 27 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
2. Дубяго Дмитрий Иванович // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 28 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>