Дзмітрый Аляксандравіч Хварастоўскі

Дзмі́трый Алякса́ндравіч Хварасто́ўскі (16 кастрычніка 1962, Краснаярск — 22 лістапада 2017, Лондан, Вялікабрытанія) — савецкі і расійскі оперны спявак (барытон). Народны артыст Расіі (1995). Лаўрэат Дзяржаўнай прэміі РСФСР імя Глінкі (1991).

Дзмітрый Аляксандравіч Хварастоўскі
руск.: Дмитрий Хворостовский
Род дзейнасці	оперны спявак
Дата нараджэння	16 кастрычніка 1962(1962-10-16)[1]
Месца нараджэння	Краснаярск, Краснаярскі край, РСФСР, СССР
Дата смерці	22 лістапада 2017(2017-11-22)[2][3] (55 гадоў)
Месца смерці	Лондан, Англія, Вялікабрытанія
Месца пахавання	Новадзявочыя могілкі
Грамадзянства	СССР  Расія[4]  Вялікабрытанія
Альма-матар	Краснаярская дзяржаўная акадэмія музыкі і тэатра[d]
Узнагароды і прэміі	Ордэн «За заслугі перад Айчынай» IV ступені Народны артыст Расійскай Федэрацыі
Сайт	hvorostovsky.com
Медыяфайлы на Вікісховішчы

Біяграфія

Скончыў Краснаярскае педагагічнае вучылішча імя А. М. Горкага і Краснаярскі інстытут мастацтваў па класе заслужанага дзеяча мастацтваў РФ прафесара К. К. Іофель, вучаніцы М. М. Рыёлі-Слаўцовай — жонкі рускага тэнара П. І. Слаўцова.

У 1985—1990 гадах быў салістам Краснаярскага дзяржаўнага тэатра оперы і балета.

Пасля перамогі ў 1989 годзе ў Міжнародным конкурсе оперных спевакоў у Кардыфе меў з 1990 года ангажэмент ў лепшых оперных тэатрах свету: Каралеўскі тэатр Ковент-Гардэн (Лондан), Баварская дзяржаўная опера, Берлінская дзяржаўная опера, тэатр Ла Скала (Мілан), Венская дзяржаўная опера, тэатр Калон (Буэнас-Айрэс), Метрапалітэн-опера (Нью-Ёрк), Лірычная опера ў Чыкага, Марыінскі тэатр Санкт-Пецярбурга, маскоўскі тэатр «Новая опера», оперная сцэна Зальцбургскага фестывалю. З 1994 года жыў у Лондане.

Аказваў падтрымку маладым калектывам. Запісаў з Валерыем Гергіевым і аркестрам Марыінскага тэатра вакальны цыкл «Песні і скокі смерці» Мадэста Мусаргскага і оперу «Царская нявеста» М. А. Рымскага-Корсакава (партыя Рыгора Бруднага).

Выконваў творы Г. В. Свірыдава.

19, 21 і 22 лістапада 2009 года прайшлі канцэрты ў Дзяржаўным Крамлёўскім палацы, дзе Хварастоўскі выступіў у новым амплуа, выканаўшы песні І. Я. Крутога на вершы Ліліі Вінаградавай.

Зноскі

1. Историческая энциклопедия Сибири / под ред. В. А. Ламин — Новосибирск: 2009. — ISBN 5-8402-0230-4

   <a href='https://wikidata.org/wiki/Track:Q4253570'></a><a href='https://wikidata.org/wiki/Track:Q883'></a><a href='https://wikidata.org/wiki/Track:Q113559915'></a>
2. Dmitrij Hvorostovskij // Store norske leksikon — 1978. — ISSN 2464-1480

   <a href='https://wikidata.org/wiki/Track:Q746368'></a>
3. ХВОРОСТО́ВСКИЙ Дмитрий Александрович // Большая российская энциклопедия — М.: Большая российская энциклопедия, 2004. Праверана 12 кастрычніка 2021.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q1768199'></a>
4. http://www.nytimes.com/movies/movie/319463/Dmitri-Hvorostovsky-Russian-Songs-From-the-War-Years/overview