Дзмітрый Георгіевіч Лебедзеў

У Вікіпедыі ёсць артыкулы пра іншых людзей з прозвішчам Лебедзеў.

Дзмітрый Лебедзеў (нар. 13 мая 1986, Салігорск) — беларускі футбаліст, паўабаронца.

Дзмітрый Лебедзеў
Поўнае імя	Дзмітрый Георгіевіч Лебедзеў
Нарадзіўся	13 мая 1986(1986-05-13)[1] (39 гадоў) Салігорск, Салігорскі раён, Мінская вобласць, Беларуская ССР, СССР[2]
Грамадзянства	Беларусь
Рост	178 см
Вага	81 кг[3]
Пазіцыя	паўабаронца
Клубная кар’ера[* 1]
2003—2005 Шахцёр (Салігорск) 0 (0) 2006 МТЗ-РІПА (Мінск) 0 (0) 2007—2009 Смаргонь 61 (8) 2009—2010 Віцебск 22 (5) 2010—2012 Нёман (Гродна) 34 (3) 2012—2020 Гарадзея 201 (72) 2020 Крумкачы (Мінск) 11 (7) 2020 Белшына (Бабруйск) 7 (0) 2021 Крумкачы (Мінск) 13 (1) 2021 Белшына (Бабруйск) 11 (0) 2022—2023 Астравец 44 (10)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 9 красавіка 2024.

Родны брат Дзмітрыя, Аляксандр Лебедзеў, таксама футбаліст.

Клубная кар’ера

Выхаванец салігорскага футбола, гуляў за дубль «Шахцёра» і МТЗ-РІПА. Пасля выступаў за «Смаргонь» і «Віцебск», з 2010 года быў іграком гродзенскага «Нёмана». У 2012 годзе перастаў трапляць у асноўны склад гродзенскага клуба, у выніку ў жніўні 2012 года перайшоў у «Гарадзею»^[4]. У складзе «Гарадзеі» стаў адным з асноўных ігракоў. У сезоне 2013 стаў найлепшым бамбардзірам клуба (12 мячоў).

У студзені 2015 года падоўжыў кантракт з «Гарадзеяй»^[5]. У сезоне 2015 стаў капітанам каманды і здолеў прывесці яе да выхаду ў Вышэйшую лігу. У снежні 2015 года падоўжыў кантракт з клубам на наступны сезон^[6]. У сезоне 2016 быў адным з лідараў гарадзейцаў, з 8 галамі стаў адным з найлепшых бамбардзіраў каманды ў чэмпіянаце. Заставаўся іграком асновы і ў сезоне 2017, толькі ў маі і жніўні адсутнічаў з-за траўм. У сезоне 2018 забіў 11 галоў у чэмпіянаце Беларусі і стаў найлепшым бамбардзірам каманды.

У лістападзе 2018 года падоўжыў кантракт з «Гарадзеяй» на сезон 2019^[7]. Пачынаў сезон у аснове, у жніўні і верасні не гуляў з-за траўмы, пазней вярнуўся ў склад. У лістападзе 2019 года падоўжыў пагадненне з гарадзейцамі яшчэ на адзін сезон^[8].

У пачатку сезона 2020 выхадзіў на замену, а ў красавіку па пагадненні бакоў пакінуў «Гарадзею»^[9] і неўзабаве стаў іграком «Крумкачоў»^[10]. Стаў адным з лідараў сталічнай каманды. У ліпені 2020 года па пагадненні бакоў разарваў кантракт з «Крумкачамі»^[11] і неўзабаве далучыўся да бабруйскай «Белшыны»^[12], дзе часцей выхадзіў на замену. У снежні 2020 года пакінуў «Белшыну»^[13].

У студзені 2021 года зноў стаў трэніравацца з «Крумкачамі» і неўзабаве афіцыйна вярнуўся ў клуб^[14], гуляў там да ліпеня^[15]. У хуткім часе зноў далучыўся да «Белшыны»^[16], дзе выкарыстоўваўся яе ігрок ратацыі, дапамог камандзе вярнуцца ў Вышэйшую лігу.

У лютым 2022 года падпісаў кантракт з «Астраўцом»^[17]. Пакінуў клуб у снежні 2023 года^[18] і завяршыў прафесійную кар’еру^[19].

Дасягненні

• У спісе 22 найлепшых футбалістаў чэмпіянату Беларусі: 2016