Дзмітрый Канстанцінавіч Прусак

Дзмітрый Канстанцінавіч Прусак (1859^[1] — пасля 1917) — грамадзянскі інжынер^[1], архітэктар. Брат архітэктара Канстанціна і ваеннага інжынера Мікалая Прусакоў.

Дзмітрый Канстанцінавіч Прусак
Дата нараджэння	16 (28) ліпеня 1859
Месца нараджэння	Варонеж, Варонежская губерня, Расійская імперыя
Дата смерці	не раней за 1917
Альма-матар	Міхайлаўскі Варонежскі кадэцкі корпус[d] Першы кадэцкі корпус[d] Пецярбургскае будаўнічае вучылішча (1881)
Член у	Пецярбургскае таварыства архітэктараў[d]
Медыяфайлы на Вікісховішчы

У паняцця ёсць і іншыя значэнні, гл. Прусак.

Біяграфія

Нарадзіўся ў 1859 годзе. У 1868-72 гадах вучыўся ў Варонежскім Міхайлаўскім кадэцкім корпусе  (руск.)^[2]. Сярэднюю адукацыю атрымаў у Пецярбургскай ваеннай гімназіі. У 1881 годзе скончыў курс у Пецярбургскім будаўнічым вучылішчы^[1]. Выпушчаны са званнем грамадзянскага інжынера і чынам X класа. У сакавіку 1882 года паступіў на службу ў Тэхнічна-будаўнічы камітэт  (руск.) Міністэрства ўнутраных спраў^[1].

Спачатку працаваў тэхнікам па чарцёжнай частцы, потым, з 1884 года прызначаны памочнікам вытворцы спраў таго ж Камітэту і ў 1890 годзе пераведзены на службу ў Кантроль Міністэрства Імператарскага Двара — рэвізорам-тэхнікам^[1].

За час службы ў Камітэце быў у дзвюх камандзіроўках: у 1885 годзе — у г. Старой Ладазе для вышукання спосабаў да захавання старажытнай крэпасці «Рурыкава гарадзішча» і ў 1889 годзе — у Віцебскай губерні па справе аб ўладкаванні ў ёй сельскіх лячэбных устаноў^[1].

З 1887 года складаўся членам Пецярбургскага таварыства архітэктараў  (руск.)^[3].

Творчасць

Вынікам камандзіроўкі ў Віцебскую губерню стаў падрабязна распрацаваны ім тып сельскай лячэбніцы і праект вялікага дома для душэўна-хворых^[1].

Д. Прусак прымаў удзел у многіх пабудовах, галоўным чынам у Пецярбургу^[1][4]. У тым ліку, саўмесна з грамадзянскім інжынерам В. А. Касяковым  (руск.), кіраваў пабудовай мураванага храма  (руск.) на 2000 чалавек у Галернай гавані  (руск.)^[1]. Яму ж належыць праект, а часткова і пабудова дома Панаева на Адміралцейскай набярэжнай у Пецярбургу^[1].

Асобныя творы

Паштоўка з выглядам Панаеўскага тэатра

Бальніца абшчыны Святой Яўгеніі

• Царква Мілавальнай Божай Маці  (руск.) ў Галернай гавані  (руск.) Санкт-Пецярбурга^[1]
• Даходны дом і тэатр  (руск.) В. А. Панаева  (руск.) на Адміралцейскай набярэжнай у Пецярбургу (1886—1887). Аднак, і план, і фасад гэтага дома былі значна зменены пасля таго, як Д. Прусак адмовіўся ад удзелу ў гэтай пабудове^[1]. У 1895 годзе тут адбылося дэбютнае выступленне Ф. І. Шаляпіна ў Санкт-Пецярбургу. Дом быў знішчаны пажарам у 1917 годзе, разабраны, і на гэтым месцы ў 1958 годзе пабудаваны будынак сярэдняй школы № 225.
• Комплекс будынкаў для абшчыны Святой Яўгеніі  (руск.) ў Санкт-Пецярбургу, у тым ліку дамовая царква, навучальныя класы для курсаў, новы будынак Сховішча імя Аляксандра III, амбулаторыя з аптэкай і бальніца з трох павільёнаў. Пазней для той самай абшчыны па праекце Д. Прусака была пабудавана таксама загарадная дача-санаторый для дзяцей, якія лячыліся ў бальніцы абшчыны^[5].
• У 1897 годзе па праекце Д. Прусака^[6] і У. А. Ліпскага, у маёнтку І. М. Аленчыкава ў Астраўках  (руск.) была пабудавана мураваная царква ў імя Раства Іаана Прадцечы, а ў 1902 годзе да яе прыбудавалі званіцу. У гады вайны царква была зруйнавана. Паводле іншых звестак, аўтарам быў У. Прусак^[7].

Зноскі

1. Барановский Г. В. Юбилейный сборник сведений о деятельности бывших воспитанников Института гражданских инженеров (Строительного училища) 1842—1892 с. 278-79 (руск.)
2. ПРУССАК Дмитрий Константинович(недаступная спасылка) (руск.)
3. ПРУССАК Дмитрий Константинович Архівавана 18 кастрычніка 2018. (руск.)
4. Будынкі Д. Прусака ў Пецярбургу
5. ОБЩИНА СВЯТОЙ ЕВГЕНИИ Архівавана 17 снежня 2018. (руск.)
6. Пруссак Дмитрий Константинович (руск.)
7. Пруссак Владимир Федорович (руск.)