Дзмітрый Мікалаевіч Кійко

У Вікіпедыі ёсць артыкулы пра іншых людзей з прозвішчам Кійко.

Дзмітрый Мікалаевіч Кійко (нар. 15 лістапада 1977(1977-11-15), Мінск) — беларускі дзяржаўны дзеяч, Міністр па падатках і зборах Рэспублікі Беларусь (з 2025).

Дзмітрый Мікалаевіч Кійко
міністр па падатках і зборах Рэспублікі Беларусь[d] з 14 студзеня 2025
Папярэднік	Сяргей Эдуардавіч Налівайка
Нараджэнне	15 лістапада 1977(1977-11-15) (47 гадоў) Мінск, Беларуская ССР, СССР
Адукацыя	Беларускі дзяржаўны эканамічны ўніверсітэт (1998) Акадэмія кіравання пры Прэзідэнце Рэспублікі Беларусь (2008)

Біяграфія

Нарадзіўся 15 лістапада 1977 года ў Мінску. У 1998 годзе скончыў Беларускі дзяржаўны эканамічны ўніверсітэт, у 2008 годзе — Акадэмію кіравання пры Прэзідэнце Беларусі.

У 1999—2000 гадах — дзяржаўны падатковы інспектар ІДПК па Цэнтральным раёне горада Мінска.

У 2000—2010 гадах — кансультант, намеснік начальніка ўпраўлення бюджэтна-падатковай палітыкі галоўнага ўпраўлення фінансавай, падатковай, грашова-крэдытнай і валютнай палітыкі Міністэрства эканомікі Рэспублікі Беларусь.

У 2010—2014 гадах працаваў начальнікам галоўнага ўпраўлення падатковай палітыкі і даходаў бюджэту Міністэрства фінансаў Рэспублікі Беларусь.

У 2014—2020 гадах — намеснік, у 2020—2025 гадах — першы намеснік Міністра фінансаў Рэспублікі Беларусь.

14 студзеня 2025 года прызначаны Міністрам па падатках і зборах Рэспублікі Беларусь^[1].