Дзмітрый Спірыдонавіч Маркоўскі

Дзмітрый Спірыдонавіч Маркоўскі (12 чэрвеня 1912, в. Мачаск, Бярэзінскі раён, Мінская вобласць — 1990) — беларускі гісторык. Кандыдат гістарычных навук (1955), дацэнт. Удзельнік Вялікай Айчыннай вайны.

Дзмітрый Спірыдонавіч Маркоўскі
Дата нараджэння	12 чэрвеня 1912(1912-06-12)
Месца нараджэння	Мачаск, Пагосцкая воласць, Ігуменскі павет, Мінская губерня, Расійская імперыя
Дата смерці	1990
Грамадзянства	Расійская імперыя  СССР
Род дзейнасці	выкладчык універсітэта
Месца працы	Міністэрства народнай адукацыі БССР Гродзенскі дзяржаўны ўніверсітэт імя Янкі Купалы Маладзечанскі дзяржаўны настаўніцкі інстытут
Навуковая ступень	кандыдат гістарычных навук
Альма-матар	Барысаўскі педагагічны тэхнікум[d] гістарычны факультэт БДПУ імя М. Танка Кіеўскі нацыянальны ўніверсітэт імя Тараса Шаўчэнкі
Узнагароды

У Вікіпедыі ёсць артыкулы пра іншых людзей з прозвішчам Маркоўскі.

Біяграфія

Скончыў Барысаўскі педагагічны тэхнікум, Мінскі дзяржаўны педагагічны інстытут імя А. М. Горкага (гістарычны факультэт, 1938), Авіяшкола (1939), Інстытут павышэння кваліфікацыі выкладчыкаў марксізму-ленінізму Кіеўскага дзяржаўнага ўніверсітэта імя Т. Р. Шаўчэнкі (аспірантура, 1955).

Працаваў у сямігадовай школе ў в. Мачаск (1930—1934, дырэктар), Міністэрстве асветы БССР (1938, начальнік упраўлення сярэдніх школ), Доме Чырвонай Арміі (1939—1941, начальнік), Брэсцкім педагагічным вучылішчы (1945—1953, дырэктар), Маладзечанскім настаўніцкім інстытуце (1953—1955, дырэктар), Гродзенскім дзяржаўным універсітэце імя Я. Купалы (з 1955, у 1955—1973 — рэктар).

Навуковыя інтарэсы: палітычная гісторыя; арганізацыя адукацыі.

Узнагароды

Ордэны Чырвонага Сцяга, Айчыннай вайны 2-й ступені, Чырвонай Зоркі, «Знак Почета», Працоўнага Чырвонага Сцяга і інш^[1][2].

Зноскі

1. «Вялікая Айчынная вайна ў лёсах супрацоўнікаў Купалаўскага ўніверсітэта»: Дзмітрый Маркоўскі(недаступная спасылка)
2. Маркоўскі, Дзмітрый Спірыдонавіч (кандыдат гістарычных навук ; 1912—1990)