Дзмітрый Уладзіміравіч Сарока

Дзмітрый Уладзіміравіч Сарока (4 студзеня 1944, в. Крапіўнікі, Валожынскі раён, Мінская вобласць) — беларускі мастак – жывапісец і графік.

Дзмітрый Уладзіміравіч Сарока
Дата нараджэння	4 студзеня 1944(1944-01-04) (81 год)
Месца нараджэння	Крапіўнікі, Валожынскі раён, Баранавіцкая вобласць, Беларуская ССР, СССР
Грамадзянства	Беларусь
Род дзейнасці	мастак
Вучоба	Мінскае мастацкае вучылішча (1965) Беларускі дзяржаўны тэатральна-мастацкі інстытут (1971)
Член у	Беларускі саюз мастакоў

У Вікіпедыі ёсць артыкулы пра іншых людзей з прозвішчам Сарока.

Біяграфія

Скончыў Мінскае мастацкае вучылішча (1965, вучыўся ў І. В. Глазавай, М. Я. Лісоўскага, Л. В. Лапчынскага), Беларускі тэатральна-мастацкі інстытут (1971, выкладчыкі І. В. Ахрэмчык, Н. М. Воранаў, В. А. Грамыка, Х. М. Ліўшыц). Упершыню творы мастака экспанаваліся ў 1972 годзе. З 1977 года выкладаў у мінскай Дзіцячай мастацкай школе № 1.

Сябра Беларускага саюза мастакоў з 1994 года.

Творчасць

Працуе ў станковым жывапісе ў жанрах лірычнага пейзажа, партрэта, нацюрморта. Карціны ў асноўным, прысвечаны Міншчыне і краявідам роднага края. У 2006 годзе ў мінскім Палацы мастацтва была арганізавана персанальная выстаўка жывапісу мастака^[1].

Творы Дзмітрыя Сарокі зберагаюцца ў Музеі сучаснага выяўленчага мастацтва ў Мінску.

Зноскі

1. Коўшаль І. Беларускі мастак(недаступная спасылка) // Беларускі дзяржаўны музей народнай архітэктуры і побыту [Электронны рэсурс] — Рэжым доступу: http://etna.by/ Архівавана 10 лютага 2017. -- Дата доступу: 11.09.2014