Дзяніс Віталевіч Кавалеўскі

У Вікіпедыі ёсць артыкулы пра іншых людзей з прозвішчам Кавалеўскі.

Дзяніс Кавалеўскі (нар. 2 мая 1992, Орша) — беларускі футбаліст, абаронца.

Дзяніс Кавалеўскі
Поўнае імя	Дзяніс Віталевіч Кавалеўскі
Нарадзіўся	2 мая 1992(1992-05-02)[1] (33 гады) Орша, Віцебская вобласць, Беларусь
Грамадзянства	Беларусь
Рост	186 см
Вага	80 кг[2]
Пазіцыя	абаронца
Клубная кар’ера[* 1]
2010—2012 Дынама (Мінск) 0 (0) 2011 →  Дынама-2 (Мінск) 23 (1) 2012 →  Славія (Мазыр) 24 (0) 2013 Славія (Мазыр) 28 (0) 2014—2015 Дынама (Брэст) 49 (1) 2016—2020 Славія (Мазыр) 94 (8) 2020 Белшына (Бабруйск) 8 (0) 2021 Мінск 21 (0) 2022 Сцяг Працы (Арэхава-Зуева) 8 (1) 2022 Макслайн (Рагачоў) 5 (0)
Нацыянальная зборная[* 2]
2010—2011 Беларусь (да 19) 6 (0) 2013 Беларусь (да 21) 10 (2)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 1 верасня 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 20 лістапада 2013

Клубная кар’ера

Пачынаў займацца футболам у роднай Оршы, пазней паступіў у мінскае Рэспубліканскае вучылішча алімпійскага рэзерву (РВАР), адкуль перайшоў у сістэму мінскага «Дынама», гуляў за дубль і фарм-клуб «Дынама-2». У сезоне 2012 быў аддадзены ў арэнду ў мазырскую «Славію», дзе стаў іграком асновы.

У лютым 2013 года перайшоў у мазырскі клуб. У сезоне 2013 таксама стала гуляў у асноўным складзе, але не здолеў выратаваць каманду ад вылету ў Першую лігу.

У лютым 2014 года перайшоў у брэсцкае «Дынама». У брэсцкім клубе стаў звычайна выступаць на пазіцыі апорнага паўабаронцы. Па заканчэнні сезона 2015 пакінуў клуб^[3].

У студзені 2016 года вярнуўся ў мазырскую «Славію»^[4]. У складзе мазыран у сезоне 2016 звычайна быў апорным паўабаронцам, часам гуляў у цэнтры абароны. У сезоне 2017 стаў капітанам каманды. Прапусціўшы пачатак сезона, пазней замацаваўся ў стартавым складзе, аднак у жніўні зноў выбыў з-за траўмы. У пачатку сезона 2018 звычайна выхадзіў на замену, але пазней замацаваўся ў стартавым складзе і дапамог камандзе перамагчы ў Першай лізе. У сезоне 2019 быў трывалым іграком стартавага складу, у сезоне 2020 стаў радзей з’яўляцца на полі.

У ліпені 2020 года пакінуў мазырскі клуб^[5] і неўзабаве далучыўся да бабруйскай «Белшыны»^[6], дзе стаў выступаць у стартавым складзе. У снежні 2020 года пакінуў клуб^[7].

Са студзеня 2021 года стаў трэніравацца з «Мінскам» і ў сакавіку падпісаў кантракт^[8]. Гуляў пераважна ў стартавым складзе каманды. У снежні 2021 года па заканчэнні кантракта пакінуў сталічны клуб^[9].

У лютым 2022 года стаў іграком клуба «Сцяг Працы» з трэцяга дывізіёна Расіі^[10]. У ліпені 2022 года вярнуўся ў Беларусь, папоўніўшы склад рагачоўскага «Макслайна»^[11]. У снежні 2022 года пакінуў рагачоўскую каманду^[12].

Са студзеня 2023 года стаў працаваць дзіцячым трэнерам у Калінінградзе^[13].

Міжнародная кар’ера

Выступаў за моладзевую зборную Беларусі.

Дасягненні

• Пераможца Першай лігі чэмпіянату Беларусі: 2018

Статыстыка выступленняў

Сезон	Дывізіён	Клуб	Краіна	Матчы	Галы
2010	дубль	Дынама Мінск		27	1
2011 (пач.)	дубль	Дынама Мінск		2	0
2011	Д3	Дынама-2		23	1
2012	Д1	Славія		24	0
2013	Д1	Славія		28	0
2014	Д1	Дынама Брэст		25	0
2015	Д1	Дынама Брэст		24	1
2016	Д1	Славія		25	4
2017	Д1	Славія		14	0
2018	Д2	Славія		26	3
2019	Д1	Славія		22	1
2020 (1)	Д1	Славія		7	0
2020 (2)	Д1	Белшына		8	0
2021	Д1	Мінск		21	0
2021/22 (2)	Д3	Сцяг Працы		8	1
2022 (2)	Д2	Макслайн		5	0