Дзяніс Уладзіміравіч Сідарэнка

У Вікіпедыі ёсць артыкулы пра іншых людзей з прозвішчам Сідарэнка.

Дзяніс Уладзіміравіч Сідарэнка (10 сакавіка 1976(1976-03-10), Мінск — 23 чэрвеня 2024(2024-06-23)^[1][2] ці 24 чэрвеня 2024(2024-06-24)^[3][4], Мінск) — беларускі дыпламат.

Дзяніс Уладзіміравіч Сідарэнка
пасол Беларусі ў Германіі 2016 — 11 сакавіка 2024
Папярэднік	Андрэй Уладзіміравіч Гіро
Нараджэнне	10 сакавіка 1976(1976-03-10) Мінск, Беларуская ССР, СССР
Смерць	23 чэрвеня 2024(2024-06-23)[1][2] (48 гадоў) ці 24 чэрвеня 2024(2024-06-24)[3][4] (48 гадоў) Мінск, Беларусь
Адукацыя	факультэт міжнародных адносін БДУ
Медыяфайлы на Вікісховішчы

Біяграфія

Нарадзіўся 10 сакавіка 1976 года ў Мінску.

У 1998 годзе скончыў з адзнакай факультэт міжнародных адносін Беларускага дзяржаўнага ўніверсітэта па спецыяльнасці «Міжнародныя адносіны». Скончыў міжнародную праграму палітычных і сацыяльных навук Інстытута палітычных навук г. Парыжа (1996—1997 гг.).

У 1998—2002 гадах быў супрацоўнікам упраўлення агульнаеўрапейскага супрацоўніцтва дэпартамента Еўропы МЗС Беларусі.

У 2002—2005 гадах — намеснік кіраўніка Пастаяннай дэлегацыі Рэспублікі Беларусі ў АБСЕ ў Вене. У 2005—2009 гадах — начальнік аддзела АБСЕ і Савета Еўропы МЗС Беларусі.

У 2009—2013 гадах — саветнік-пасланнік Пасольства Рэспублікі Беларусь у Аўстрыі — намеснік Пастаяннага прадстаўніка Беларусі пры міжнародных арганізацыях у Вене. У 2013—2016 гадах — начальнік упраўлення агульнаеўрапейскага супрацоўніцтва МЗС Беларусі.

Валодаў беларускай, рускай, англійскай, французскай і нямецкай мовамі.

З 25 кастрычніка 2016 года^[5][6] па 11 сакавіка 2024 года^[7] — Надзвычайны і Паўнамоцны Пасол Рэспублікі Беларусь у Федэратыўнай Рэспубліцы Германія.

Па вяртанні ў Беларусь новай пасады не атрымаў, стаў аб’ектам увагі Камітэта дзяржаўнай бяспекі Рэспублікі Беларусь. Паводле крыніц выдання «Наша Ніва», Сідарэнка «не вылазіў з паліграфаў і допытаў»^[8].

24 чэрвеня 2024 года скончыў жыццё самагубствам, скокнуўшы са шматпавярховіка^[8]. Пахаваны 26 чэрвеня 2024 года^[9]. Пра гібель дыпламата Міністэрства замежных спраў Беларусі паведаміла толькі пасля таго, як яго пахавалі, не называючы пры гэтым прычыну смерці^[10].

Сям’я

Быў жанаты, меў дзвюх дочак^[8].

Зноскі

1. Belarus: Former ambassador to Germany dies unexpectedly — 2024. Праверана 28 чэрвеня 2024.
2. Пасол Сідарэнка пакончыў з сабой, не вытрымаў допытаў КДБ — 2024. Праверана 28 чэрвеня 2024.
3. Tödlicher Fenstersturz in Belarus — 2024. Праверана 28 чэрвеня 2024.
4. Памёр 48-гадовы былы пасол у Германіі Дзяніс Сідарэнка — 2024. Праверана 28 чэрвеня 2024.
5. Указ Президента Республики Беларусь от 25 октября 2016 года № 391 «О назначении на должность»
6. Аляксандр Лукашэнка разгледзеў кадравыя пытанні(недаступная спасылка)
7. Указ Президента Республики Беларусь от 11 марта 2024 года № 88 «Об освобождении от должностей»
8. Пасол Сідарэнка пакончыў з сабой, не вытрымаў допытаў КДБ  (бел.). Наша Ніва (26 чэрвеня 2024). Праверана 26 чэрвеня 2024.
9. Facebook (нявызн.). www.facebook.com. Праверана 26 чэрвеня 2024.
10. Памёр 48-гадовы былы пасол у Германіі Дзяніс Сідарэнка  (бел.). Наша Ніва (26 чэрвеня 2024). Праверана 26 чэрвеня 2024.