Дзятлавіцкі сельсавет (Ваўкавыскі раён)

У паняцця ёсць і іншыя значэнні, гл. Дзятлавіцкі сельсавет.

Дзя́тлавіцкі сельсавет — былая адміністрацыйна-тэрытарыяльная адзінка ў складзе Ваўкавыскага раёна Гродзенскай вобласці. Цэнтр — вёска Дзятлавічы.

Дзятлавіцкі сельсавет
Краіна	Беларуская ССР
Уваходзіў у	Ваўкавыскі раён
Уключаў	12 населеных пунктаў
Адміністрацыйны цэнтр	Дзятлавічы
Дата ўтварэння	12 кастрычніка 1940
Дата скасавання	2 снежня 1961

Утвораны 12 кастрычніка 1940 года як Боблаўскі сельсавет у складзе Ваўкавыскага раёна Беластоцкай вобласці БССР. Цэнтр — вёска Боблава. З 20 верасня 1944 года ў складзе Гродзенскай вобласці. 16 ліпеня 1954 года перайменаваны ў Дзятлавіцкі сельсавет, цэнтр перанесены ў вёску Дзятлавічы^[1]. 2 снежня 1961 года скасаваны, тэрыторыя далучана да Воўпаўскага (вёскі Андрушы, Боблава, Дзятлавічы, Зарачаны, Крываносаўцы, Пасынкі) і Рэплеўскага (вёскі Агароднікі, Альхова, Бойдаты, Дуляўцы, Мількаўцы, Міслюкі) сельсаветаў^[2].

На момант скасавання ў склад сельсавета ўваходзілі 12 населеных пунктаў.