Довер (Дэлавэр)

У паняцця ёсць і іншыя значэнні, гл. Довер.

Довер^[1] (англ.: Dover) — горад у ЗША, сталіца штата Дэлавэр і адміністрацыйны цэнтр акругі Кент. У 2010 годзе насельніцтва горада складала 36047 чалавек. Паблізу горада размешчана авіябаза Довер.

Горад Довер Dover Краіна  ЗША Штат Дэлавэр Каардынаты 39°09′43″ пн. ш. 75°31′36″ з. д.HGЯO Мэр Карлтан Кэры Заснаваны 1683 Горад з 1717 Плошча 58,8 км² Вышыня цэнтра 11 м Тып клімату субтрапічны акіянічны Водныя аб’екты St. Jones River[d] і Silver Lake[d] Насельніцтва 36 047 чалавек (2010) Шчыльнасць 617 чал./км² Агламерацыя 152 255 чалавек Часавы пояс UTC-5, летам UTC-4 Тэлефонны код 302 Паштовыя індэксы 19901-19906 Афіцыйны сайт cityofdover.com (англ.) Довер на карце ЗША

Медыяфайлы на Вікісховішчы

Гісторыя

Довер быў заснаваны як месца размяшчэння суда для зноў створанай акругі Кент у 1683 годзе Уільямам Пенам, заснавальнікам Пенсільваніі і ўладальнікам тэрыторыі, вядомай як «Ніжнія акругі на Дэлавэр», і атрымаў сваю назву ў гонар брытанскага горада Дуўр. Пазней, у 1717 годзе, гораду быў дадзены афіцыйны статус спецыяльнай камісіяй Генеральнай Асамблеі штата Дэлавэр.

Сталіца штата Дэлавэр была перанесены сюды з Ньюкасла ў 1777 годзе з-за цэнтральнага размяшчэння Довера і адноснай бяспекі ад брытанскіх рэйдаў на рацэ Дэлавэр. Згодна з актам, прынятым у кастрычніку 1779 года, Асамблея выбірала для пасяджэнняў любое падыходзячае месца, збіраючыся ў гарадах Уілмінгтан, Льюіс, Довер, Ньюкасл і зноў у Льюісе, пакуль, нарэшце, не спынілася канчаткова ў Доверы ў кастрычніку 1781 года.

Геаграфія і клімат

Плошча горада складае каля 59 кв.км з якіх суша займае каля 58 кв.км. Клімат — субтрапічны акіянічны, мякчэе за кошт уплыву Дэлавэрскага заліва і ахоўнага дзеяння Апалачаў. Зіма — мяккая, звычайна за год выпадае каля 36 см снегу, аднак, як правіла, ён не застаецца на зямлі занадта доўга. Лета — гарачае і вільготнае, амаль трапічнае, з 29 днямі ў годзе з тэмпературай, якая дасягае або перавышае 32 °C. Вясна і восень працяглыя. Ападкі распаўсюджваюцца на працягу года даволі раўнамерна.

Клімат Довера
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Сярэдні максімум, °C	6,5	8,2	12,9	18,6	23,8	28,3	30,8	29,7	26,4	20,6	14,8	9,1	19,2
Сярэдняя тэмпература, °C	1,8	3,2	7,4	14,6	18,0	22,7	25,4	24,6	21,0	14,9	8,5	4,4	13,8
Сярэдні мінімум, °C	−2,8	−1,9	2,0	6,6	12,1	17,1	20,1	19,4	15,7	9,2	4,3	−0,3	8,4
Норма ападкаў, мм	100	77	112	88	109	96	106	120	116	83	80	89	1 176
Крыніца: Надвор'е і клімат

Насельніцтва

Паводле даных перапісу 2010 года насельніцтва горада складала 36 047 чалавек, мелася 12 340 хатніх гаспадарак і пражывала 7 502 сям’і.

Расавы склад насельніцтва:

• белыя — 48,3 %
• негры — 42,2 %
• лацінаамерыканцы (усіх рас) — 6,6 %
• азіяты — 2,7 %

Сярэднегадавы даход 19 445 долараў ЗША на душу насельніцтва (даныя 2000 года). Сярэдні ўзрост гараджан — 33 года.

Узровень злачыннасці ў горадзе высокі, але большая частка злачынстваў здзяйсняецца ў «чорных» раёнах.