Доглас Коста

У Вікіпедыі ёсць артыкулы пра іншых людзей з прозвішчам Коста.

До́глас Ко́ста ды Со́за^[3] або Дуглас Коста (парт.: Douglas Costa de Souza, МФА: [ˈdowɡlɐs ˈkɔstɐ]; нар. 14 верасня 1990, Сапукая-ду-Сул, Бразілія) — бразільскі футбаліст, атакуючы паўабаронца амерыканскага клуба «Лос-Анджэлес Гэлаксі» і былы ігрок нацыянальнай зборнай Бразіліі.

Доглас Коста
Агульная інфармацыя
Поўнае імя	Доглас Коста ды Соза
Нарадзіўся	14 верасня 1990(1990-09-14)[1] (35 гадоў) Сапукая-ду-Сул[d], штат Рыу-Гранды-ду-Сул, Бразілія
Грамадзянства	Бразілія
Рост	168 см[2]
Вага	83 кг[2]
Пазіцыя	паўабаронца
Інфармацыя пра клуб
Клуб	Лос-Анджэлес Гэлаксі
Нумар	11
Маладзёжныя клубы
2001—2002 Нову-Амбургу 2002—2008 Грэміу
Клубная кар’ера[* 1]
2008—2009 Грэміу 28 (2) 2010—2015 Шахцёр (Данецк) 141 (29) 2015—2018 Баварыя (Мюнхен) 50 (8) 2017—2018 →  Ювентус 31 (4) 2018—2022 Ювентус 42 (2) 2020—2021 →  Баварыя (Мюнхен) 11 (1) 2021 →  Грэміу 26 (3) 2022 →  Лос-Анджэлес Гэлаксі 13 (2) 2022— Лос-Анджэлес Гэлаксі
Нацыянальная зборная[* 2]
2009—2013 Бразілія (да 20) 12 (3) 2014—2018 Бразілія 31 (3)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 8 сакавіка 2022. Колькасць гульняў і галоў за нацыянальную зборную ў афіцыйных матчах, адкарэктавана станам на 22 ліпеня 2021
Медыяфайлы на Вікісховішчы

Клубная кар’ера

Доглас далучыўся да акадэміі клуба «Грэміу», калі яму былі 11 гадоў. Дэбютаваў за дарослую каманду ў 18 гадоў у матчы супраць «Батафогу» 4 кастрычніка 2008 года, забіўшы гол у першай жа сваёй гульні. Ужо праз год і некалькі месяцаў ігрок склаў дагавор з украінскім клубам «Шахцёр», не зважаючы на цікавасць з боку іншых еўрапейскіх клубаў.

У новым клубе Коста даволі хутка прайшоў адаптацыю, чаму спрыяла вялікая колькасць бразільскіх легіянераў у клубе. Доглас зарэкамендаваў сябе як майстар выканання штрафных стрэлаў. Дэбют іграка прыпаў на матч Лігі Еўропы супраць англійскага «Фулхэма», дзе Коста выйшаў на замену на 75 хвіліне. Першы гол у данецкім клубе ігрок забіў 14 сакавіка 2010 года ў пераможным матчы супраць харкаўскага «Металіста» (2:1)^[4].

Улетку 2015 года перайшоў у мюнхенскую «Баварыю», дзе замацаваўся ў аснове. У сезоне 2016/17 стаў радзей з’яўляцца па полі. У ліпені 2017 года быў арандаваны турынскім «Ювентусам» з правам выкупу^[5]. У чэрвені 2018 года «Ювентус» выкупіў паўабаронцу за 40 млн еўра^[6].

У кастрычніку 2020 года вярнуўся ў «Баварыю» на правах арэнды^[7]. У маі 2021 года, выйграўшы з «Баварыяй» тытул чэмпіёна Германіі, пакінуў клуб і далучыўся да «Грэміу»^[8].

У лютым 2022 года далучыўся да амерыканскага «Лос-Анджэлес Гэлаксі» на правах субарэнды з «Грэміу» на паўгады, з наступным па заканчэнні арэнды падпісаннем паўнавартаснага кантракта на 1,5 гады ў якасці свабоднага агента^[9].

Міжнародная кар’ера

У нацыянальнай зборнай Бразіліі ігрок дэбютаваў у лістападзе 2014 года ў матчы супраць зборнай Турцыі, які праходзіў у Стамбуле.

Дасягненні

«Шахцёр»:

• Чэмпіён Украіны (5): 2010, 2011, 2012, 2013, 2014
• Уладальнік Кубка Украіны (3): 2011, 2012, 2013
• Уладальнік Суперкубка Украіны (3): 2010, 2012, 2013

«Баварыя»:

• Чэмпіён Германіі (3): 2016, 2017, 2021
• Уладальнік Кубка Германіі: 2016
• Пераможца клубнага чэмпіянату свету: 2020

«Ювентус»:

• Чэмпіён Італіі (3): 2018, 2019, 2020
• Уладальнік Кубка Італіі: 2018
• Уладальнік Суперкубка Італіі: 2018