Дрэтунь (возера)

Дрэ́тунь — возера ў Беларусі, у Полацкім раёне Віцебскай вобласці ў басейне ракі Палата, за 34 км у напрамку на паўночны ўсход ад горада Полацк, каля вёскі Дрэтунь і чыгуначнай станцыі Дрэтунь.

Дрэтунь
Морфаметрыя
Даўжыня	0,84 км
Шырыня	0,44 км
Плошча	0,28 км²
Аб’ём	0,00054 км³
Даўжыня берагавой лініі	2,33 км
Найбольшая глыбіня	3,4 м
Сярэдняя глыбіня	1,9 м
Гідралогія
Тып мінералізацыі	прэснае
Салёнасць	0,09 ‰
Празрыстасць	2,5 м
Басейн
Плошча вадазбору	14,8 км²
Упадаюць	ручай
Выцякаюць	ручай
Размяшчэнне
Краіна	Беларусь
Рэгіён	Віцебская вобласць
Дрэтунь
Дрэтунь
Медыяфайлы на Вікісховішчы

Плошча паверхні 0,28 км². даўжыня 0,84 км, найбольшая шырыня 0,44 км. Даўжыня берагавой лініі 2,33 км найбольшая глыбіня возера 3,4 м, сярэдняя 1,9 м. Аб’ём вады ў возеры 0,54 млн м³. Плошча вадазбору 14,8 км².
Катлавіна возера рэшткавага тыпу, выцягнутая з паўночнага захаду на паўднёвы ўсход. Схілы катлавіны вышынёй 2—4 м, спадзістыя, складзеныя з пяскоў. Берагавая лінія слабазвілістая. Берагі вышынёй 0,2—0,4 м, на поўдні і захадзе тарфяністыя. Дно плоскае, пясчанае ўздоўж берагоў. На большых глыбінях дно выслана сапрапелем.
Возера эўтрофнае, слабапраточнае. У Дрэтунь упадае ручай з возера Чармісца (Чэрмісца^[1]) і выцякае ручай у раку Палата. Зарастае падводнай расліннасцю.

У возеры водзяцца шчупак, лешч, плотка, акунь, лінь, мянтуз і іншыя віды рыб.

На беразе возера паляўніча-рыбалоўная база^[2].

Зноскі

1. ЭПБ 1983.
2. Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 21, 58. — 72 с. — 10 000 экз. — ISBN 978-985-508-136-5. (руск.)