Дубраўскае вадасховішча

У паняцця ёсць і іншыя значэнні, гл. Дубраўскае.

Ду́браўскае^[2] — вадасховішча ў Смалявіцкім раёне Мінскай вобласці Беларусі на мяжы з Мінскім раёнам за 26 км на паўночны ўсход ад Мінска. З’яўляецца рэзервовым вадаёмам Вілейска-Мінскай воднай сістэмы^[1].

Дубраўскае вадасховішча

Дубраўскае вадасховішча
Каардынаты: 54°04′59,38″ пн. ш. 27°47′21,74″ у. д.HGЯO
Размяшчэнне	Мінская вобласць
Даўжыня	5,5 км
Шырыня	1,25 км
Плошча	3,45 км²
Аб'ём	0,0224 км³
Найбольшая глыбіня	14 м
Упадаюць	Дубраўка, Усяжа
Выцякаюць	Усяжа
Год напаўнення	[[1984 (1986[1])]]
Дубраўскае вадасховішча
Дубраўскае вадасховішча
Медыяфайлы на Вікісховішчы

Вадасховішча створана ў 1984 (1986^[1])годзе на рацэ Усяжа ў месцы ўпадзення ў яе ракі Дуброўка побач са спартыўным комплексам «Раўбічы». Пачынаецца ад дамбы каля вёскі Раўбічы, якая аддзяляе Дубраўскае вадасховішча ад Раўбіцкага. Плошча паверхні 3,45 км², даўжыня 5,5 км, найбольшая шырыня 1,25 км. Глыбіня вадасховішча дасягае 14 м. Ваганні ўзроўню вады дасягаюць 8 метраў. Аб’ём вады 22,4 млн м³.

У вадасховішчы водзяцца шчупак, акунь, лешч, плотка, сом, карп і іншыя рыбы.

У 2002 годзе на вадасховішчы паміж вёскамі Кудрышчына і Прылепы ўведзена ў эксплуатацыю малая гідраэлектрастанцыя.

Зноскі

1. Сайт «Смалявіцкі раённы Цэнтр дзіцячага турызму і краязнаўства»
2. Назва прыведзена ў адпаведнасці з дадзенымі Дзяржкартгеацэнтра Архівавана 24 ліпеня 2019.