Дыверсійная Беларуская партызанская брыгада імя У. І. Леніна

Дыверсійная Беларуская партызанская брыгада імя У. І. Леніна — партызанская брыгада, створаная ў ліпені 1942 года ў савецкім тыле як Беларуская дыверсійная партызанская брыгада асобага прызначэння з партызан, якія выйшлі за лінію фронту, і з асабовага складу, вылучанага 1-й Беларускай і 2-й Беларускай імя П. К. Панамарэнкі партызанскімі брыгадамі. У лістападзе 1942 года брыгадзе было нададзена імя Леніна. Да снежня 1942 года база брыгады знаходзілася ў савецкім тыле, куды атрады перыядычна выходзілі на экіпіроўку. У верасні 1943 года была перадыслацыравана ў Вілейскую вобласць. Дзейнічала на акупіраванай тэрыторыі Суражскага, Талачынскага, Ушацкага, Докшыцкага, Дунілавіцкага, Пліскага, Глыбоцкага раёнаў. 1 ліпеня 1944 года брыгада (315 партызан, 3 атрады) злучылася з Чырвонай Арміяй.

Дыверсійная Беларуская партызанская брыгада імя У. І. Леніна
Гады існавання	1942—1944
Краіна	Беларуская ССР
Падпарадкаванне	Беларускі штаб партызанскага руху
Тып	партызаны
Функцыя	барацьба з нямецкімі акупацыйнымі ўладамі
Колькасць	315 партызан (1.7.1944)
Дыслакацыя	Суражскі, Талачынскі, Ушацкі, Докшыцкі, Дунілавіцкі, Пліскі, Глыбоцкі раёны
Войны	Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	А. А. Баскакаў (загінуў); М. Т. Гарбаценкоў; Я. У. Фурсо (выконваў абавязкі)

Склад

• 1-ы атрад;
• 2-і атрад;
• 3-і атрад.

Камандаванне

Камандзіры

• А. А. Баскакаў (загінуў);
• М. Т. Гарбаценкаў;
• Я. У. Фурсо (выконваў абавязкі).

Камісары

• В. Д. Лобараў;
• М. Т. Гарбаценкоў;
• Р. Ф. Шастакоў;
• М. З. Умінскі (выконваў абавязкі);
• У. С. Свірыд (загінуў);
• М. Р. Пучкароў.

Начальнікі штаба

• М. П. Падгорны;
• С. Ф. Сафронаў.

Гісторыя

Партызаны праводзілі дыверсіі на чыгунках Полацк — Віцебск, Полацк — Невель, Полацк — Маладзечна. У снежні 1942 — сакавіку 1943 гадоў удзельнічалі ў баях з карнікамі ў Суражскім, Полацкім і Расонскім раёнах. У ліпені 1943 года брыгада правяла рэйды з Суражскага ў Талачынскі, у верасні — у Докшыцкі раёны, у час якіх яны нападалі на гарнізоны, тым ліку ў вёсцы Арэхаўна Ветрынскага раёна. У «рэйкавай вайне» на чыгунцы Полацк — Маладзечна падарвалі і папсавалі больш за 5 тысяч рэек. Са снежня 1943 года ўтрымлівалі лінію абароны па рацэ Бярэзіна. У красавіку — маі 1944 года ў час карнай аперацыі на Полацка-Лепельскую партызанскую зону вялі баі на лініі абароны вёсак Адамова — Бераспонне, вёсак Лісічына — Кублічы, каля возера Медзазол утрымлівалі пераправу цераз Батурынскі мост, вялі баі за вёскі Лясіны, Храмёнкі, Зарубаўшчына Ушацкага раёна. У маі 1944 года разам з іншымі брыгадамі прарвалі блакаду каля вёскі Матырына Ушацкага раёна і выйшлі ў Вілейскую вобласць.

Зноскі