Рэйкавая вайна

«Рэ́йкавая вайна́» — дзеянні партызан па разбурэнні чыгуначных камунікацый з мэтай парушэння работы чыгуначнага транспарту праціўніка і вываду з ладу жывой сілы, тэхнікі і матэрыяльных сродкаў, што перавозяцца па чыгунцы.

Рэйкавая вайна можа праводзіцца і ў мірны час тэрарыстычнымі групамі з мэтай маральнага ўздзеяння на грамадства.

Вялікая Айчынная вайна

Рэйкавая вайна на паштовай марцы СССР прысвечаная К. С. Заслонаву

Найбольшы размах рэйкавая вайна прыняла падчас Вялікай Айчыннай вайны на акупаванай тэрыторыі Беларусі, Латвіі, Літвы, Украіны, Арлоўскай, Бранскай, Смаленскай, Калінінскай, Ленінградскай абласцей Расіі. Аперацыі планаваліся Цэнтральным штабам партызанскага руху і звычайна праводзіліся напярэдадні або ў час наступленняў Чырвонай Арміі.

Найбольш значны ўплыў на ход вайны аказалі дзеянні партызан у наступных аперацыях:

• Аперацыя «Рэйкавая вайна»,
• Аперацыя «Канцэрт»,
• Аперацыя Баграціён.

Уварванне Расіі ва Украіну

У 2022 годзе падчас уварвання Расіі ва Украіну ў СМІ з’явіліся паведамленні пра дыверсіі на беларускай чыгунцы з мэтай перашкодзіць руху вайсковых эшалонаў. Адказнасць за іх узяло аб’яднанне былых сілавікоў BYPOL^[1]. У Расіі таксама былі зафіксаваны шматлікія падрывы чыгуначных шляхоў і разбурэнні чыгуначных камунікацый.

Зноскі

1. https://www.bbc.com/russian/features-60594063