Дэндэра

Дэндэ́ра, таксама Данда́ра (араб. دندرة‎) — горад на правым беразе Ніла ў Егіпце. Уваходзіць у склад мухафазы Кена.

Горад
Дэндэра
араб. دندرة‎
26°08′30,40″ пн. ш. 32°40′15,40″ у. д.HGЯO
Краіна	Егіпет
Рэгіён	Кена
Гісторыя і геаграфія
Вышыня цэнтра	81 ± 1 м[1]
Часавы пояс	UTC+2, летам UTC+3
Насельніцтва
Насельніцтва	53109 чалавек (2006)
Лічбавыя ідэнтыфікатары
Тэлефонны код	+20 96
Паказаць/схаваць карты
Дэндэра
Медыяфайлы на Вікісховішчы

Знакаміты аднайменным археалагічным помнікам — рэшткамі старажытнага горада і храмавага комплекса.

Насельніцтва (2006) — 53 109 чал.

Гісторыя

Паселішча на ўскраіне даліны Ніла і пустыні ў раёне Дэндэры ўзнікла ў дадынастычны перыяд, пра што сведчаць пахаванні, знойдзеныя археолагамі каля храмавага комплекса. Старажытныя Егіпцяне называлі гэта месца Іўнет. Мяркуецца, што яно было першасным месцам шанавання багіні Хатхор, якую ў эліністычны перыяд атаяснялі з Афрадытай.

Храмавы комплекс, што з’яўляецца галоўнай славутасцю Дэндэры, быў узведзены ў эпоху Пталемеяў і заставаўся важным рэлігійным цэнтрам у рымскі час. Пасля распаўсюджання хрысціянства тут месцілася біскупства.

З XIX стагоддзя ў Дэндэры арганізуюцца археалагічныя даследаванні. У нашы дні рэшткі храмавага комплекса прыцягваюць турыстаў.